بقلم : صفاء احمد

الراجل الأوبن مايندد هو الشخص المتفتح المستقبل لكل ماهو جديد عن مجتمعنا بصدر رحب من غير اى عقد نفسية وبالرغم المفروض أن دا شئ كويس ونفتخر به الا ان السوشيال ميديا واستعرض ناس كتير عليها خلاتنا نفهم أن اى حاجة مباحة ممكن تحصل عادى عشان احنا ناس اوبن ميندد بس خلينا نتكلم عن شوية صفات تخلينا نقول اننا قدام راجل اوبن مايند حقيقي:-

 

الرجولة أدب ومواقف

hqdefault

بصوت دنيا سمير غانم الرجولة فعلاً أدب ومواقف اه مؤمن بحرية الست صحيح لكن بيخاف عليها؛ معترف بقوتك وبضعفك؛ خوفه دايماً  الخوف العادي مش الاوفر .حاجات هى فعلاً تستدعي الخوف زى اقبالك على خطوة كبيرة فى حياتك متعلقة بشغل او سفر او اى قرار عموماً ممكن تخديه مش هتلاقيه بيقولك خلى بالك من نفسك وانت داخلة تنامي مثلاً !

 

الجواز

13445240_1744523789161144_3209476787504571882_n

هتلاقي قرار الجواز عامل زى مراسم تسليم السلطة القرار عنده مش سهل لانه مش بيدور علي واحدة يرتبط بيها بس في نفس الوقت عارف مواصفات شريكة حياته كويس واللي اهمها تتقبل انه مش حد تقليدي عايز يتجوز عشان ما يفوتش القطار هو طموحه اعلي من مجرد جوازة عادية فا في الغالب بيتاخر في الجواز ماله جورج كلوني ياجماعة !

الخبرة

file
الراجل اللي من النوع دا هتلاقي جرب حاجات كتير لحد ماكون خبرة حياته خليته بشوف الأمور بمنظور اوسع من المتعارف عليه.

 

الاستقلالية  

8559a1133ab07d95364374bf5385f5ce_123505685_147

فى الغالب الراجل الأوبن مايند هيكون مستقل عن أهله  مش عشان مقضيها؛ الفكرة انه مقتنع أن الاستقلالية دى جزء من احتياجته لا غنى عنه وده بيعلمه حاجات غير أنه يعتمد على نفسه لكن بيتعلم أن الحرية فى حد ذاتها مسئولية عقله وضميره هو الحكم اكتر من اى حاجة تانى ودى بيعمل منه راجل حقيقى يخلكى تثقى فيه اكتر من اى حد تانى هو فيه كده !

التشجيع

1384236_10152620344668915_8953366624847458239_n

هو باصم بالعشرة انك مش كائن اقل منه فى  اى حاجة بالعكس اى نجاح بتعمليه هتلاقى بيسقف بقلب جامد عليه لانه واثق من نفسه ونجاحك مش هيقلل منه فى شئ هتلاقيه عنده سلام نفسى فى الحتة دى بالذات لانه من اكبر قناعته حقك فى الحياة .

الصديق الصدوق

small72008513720

الراجل اللى من النوع دا خبرته وعقله المتفتح بيخلوه مؤهل لفكرة الاحتواء اكتر من ناس كتير بالتالى هو صديق جميل جداً هيكون فهمك كويس ومقدر الصداقة بينكم من غير اى اغراض اخري يعنى هتلاقى صديق حقيقى.
فى النهاية وبعيد عن استعراضات السوشيال ميديا والشعارات الجميلة عن حرية المرأة وحقوقها اعتقد لو قابلتى راجل فى شوية الصفات دى تقدري تقولى انك قدام راجل اوبن مايندد حقيقي.
  • Mina Ibrahim

    WTH ever heard about punctuation ?!

  • Ahmed Samer

    و ممكن تقبلى صحابة بقمصان النوم عادى