بقلم كيرلس بهجت
ليه ساعات بنقول حاجات او نعمل مواقف و بعدها علطول نندم عليها؟!!

الـ Neurotic Extravert ،حسب موقع scientificamerican.com بيشرح الكاتب SCOTT KAUFMAN  إن في نوع شخصية أسمه الـ Neurotic Extravert ،و ده هو الشخص اللي سهل جدا يعمل اي حاجة او يقول اي كلام يجي في دماغه .. فمثلا حد يقترح عليه خروجه معينه، يروح علطول موافق، لكن في وسط الخروجة يحس انه ندم علي القرار ده..أو حد بيتكلم معاه في موضوع معين فمن غير اي تفكير يروح يقول رأيه بصراحة شديدة بس يرجع يعاتب نفسه علي اللي طلع منه …. بس ايه الفكرة؟!

الموضوع بيبتدي سنه 1921 , لما عالم النفس الكبير Carl Jung قسم الشخصيات بين الـ Extraversion و الـ Introversion ( إجتماعية و أنطوائيه ) .. و اللي طبعا تم التطوير علي النظرية بتاعة Carl Jung و اتضح ان الشخصية مش بالشكل المحصور اوي كدة و تم ربط نوع الشخصية بمستوي هرمونات معينه في جسم الشخص نفس … فالشخصية الإجتماعية Extravert تفرق عن الـ Introvert الإنطوائيه في مستوي الهرمون الـ dopamine , و اللي موجود بكتره في الشخصيات الاجتماعية .. و اللي بيخليهم يحسوا بسعاده او فرحة شديده اوي لما يدخلوا مجتمعات جديدة او يعملوا انشطه مختلفه عنهم من خلال reward circuits ( دواير مكافأه ) في مخهم .. فهو لما بيعمل اي نشاط أجتماعي عقله بيقوله انتا شاطر و بيطلع له هرمون الدوبامين ده عشان يتبسط شويه , علي عكس الشخصية الأنطوائيه .. اللي دواير المكافأه عندها مش بتتأثر بالأنشطه الأجتماعية ديه ..

المشكلة في الشخص الـ Extravert لما يكون معاه أضافه جديدة علي شخصيته و هي الـ Neuroticism او الشخصية العصابيه .. و ده نوع شخصية برضوا بيتأثر بهرمون معين أسمه الـ serotonin سيروتونين .. فببساطة الشخصية العصابية بتكون عندها مشكلة مستمرة مع اي موقف هي بتكون موجوده فيه بخصوص شكلها فهما شخصيات self-critical ( بتنقد ذاتها كتير ) و السبب أن مستوي السيروتونين عندهم بيبقي أقل من الشخصيات التانيه و اللي من وظايف السيروتونين انه يحسس الشخص انه في راحة او سلام نفسي في ذاته …. فتخيل معايا الكارثة في شخص هو اصلاً إجتماعي و بيستمد سعادته انه يعمل حاجات جديدة و يقول كلام كتير و في نفس الوقت عايش في صراع مع كل موقف او كلمة بيقولها ! و كأنها لعنه !! لعنه الـ Neurotic Extravert !!

بعد ما SCOTT KAUFMAN شرح الموضوع ده و قال أد ايه بيبقي صعب علي الشخص الـ Neurotic Extravert أنه يستمتع بحياته، رجع و ربطه بالعبقرية و العظمة .. فأغلب اللي غيروا التاريخ من فلاسفه او مفكرين في وجهه نظره، كان عندهم فكرة الإقدام و الدخول في افكار و مواضيع مختلفه عنهم و في نفس الوقت جلدهم لذاتهم و عدم رضاهم المستمر علي وضعهم هو اللي شجعهم يحسنوا من نفسهم و يبقوا شخصيات ليها تاريخها و وضعها .. ففي النهاية لو أنت Neurotic Extravert و حاسس أنك بتفكر كتير في كل موقف بتعلمه و غرقان في بحر الـ overthinking او بتفضل تسهر بليل في كل كلمة قلتها الصبح مهتم برأي اللي حواليك فيك .. اه الموضوع ده مقرف و غبي .. بس انت لو قدرت تسيطر عليه ممكن تطور من نفسك و تستغله انك تحسن من وضعك و شخصيتك ..

  • Ahmad Kamal

    يا جماعة البوست الى فيه كلام انجليزى مع كلام عربى مرهق جدا و صعب يتفهم ..علشان نفهم جملة لازم نقرى السطر كامل و نرتب الكلام علشان نعرف اول الجملة و اخرها فين ياريت تاخدوا بالكم من حاجة زى دى