طبعاً مفيش ادنى شك إن اللي بننشأ وبنتربى عليه في طفولتها بيكون ليه تأثير قوي علينا وعلى شخصياتنا وطباعنا لما بنكبر، وعشان كدة أهالينا دايماً بيحاولوا يزرعوا فينا القيم والأخلاق النبيلة من واحنا صغيرين، لكن للأسف ده أحياناً كتير بيضطرهم يضحكوا علينا يا إما عشان يبعدونا عن حاجة غلط ممكن نعملها أو عشان يشجعونا على حاجة صح عايزنا نعملها، ومن ضمن “الكدبات البيضة” اللي بيضحكوا بيها أهالينا علينا جمعنالكم انهاردة أشهر 10.

1- الحسنة دي بتطلعلك لما بتعمل حاجة كويسة

1

“الحسنة” هي بقعة لونها بني بتظهر على بشرتنا لأسباب علمية مختلفة، لكن للأسف أهالينا كانوا دايماً بيقولولنا إنها بتظهرلنا لما بنعمل حاجة كويسة عشان يريحوا دماغهم من الدخول في التفاصيل  اللي عمرنا ما كنا هنفهمها وإحنا صغيرين.
 

2- لازم تخلص طبقك كله عشان الملايكة تدعيلك
2

وعشان بقي يخلونا ناكل أكلنا كله، كانوا اهالينا دايماً يقولولنا إننا لو خلصنا الطبق ومسيبناش فيه ولا حاجة الملايكة هتدعيلنا واحنا طبعا كنا بنصدقهم.

3- الشبشب المقلوب حرام

 

1429608983377

واحدة من أشهر الحاجات اللي كلنا صدقناها واحنا صغيرين هي إن “الشبشب المقلوب حرام”، لأ وللأسف فيه كتير مننا لسة لحد دلوقتي مصدقها لأنها اترسخت في عقولنا من غير ما نعرف أو نفهم أو نسأل عن أسباب منطقية.

4- الناس دول موجودين في التلفزيون من ورا

WorldTelevisionDay24

بنفس فكرة الإستسهال وترييح الدماغ ولأننا عمرنا ما كنا هنفهم غير كدة، لما كان حد فينا بيسأل اهله وهو صغير عن حقيقة الأشخاص اللي بيظهروا في التلفزيون كانوا دايما يردوا علينا ويقولولنا دول موجودين جوة التلفزيون أو في التلفزيون من ورا وطبعا كنا بنصدقهم.

5-لو عملت حاجة غلط هحبسك في أوضة الفئران

104247.ME.1104.memory.MJB-(Irvine)-A pair of lab mice, one with parkinson's disease (rt) and one normal (lt) await experiments in the Lynch lab at UC Irvine. August 4, 2005

“أوضة الفئران” هي واحدة من أشهر طرق العقاب عند الأهالي، كانوا دايماً بيستغلوا خوفنا كأطفال من الفران ويهددونا إننا لو عملنا أي حاجة غلط هيحبسونا في الأوضة دي.

6-العصفورة قالتلي

6

“العصفورة قالتلي” هي الإجابة اللي كلنا سمعناها من أهالينا وإحنا صغيرين لما كانوا بيحبوا يواجهونا بحاجة عملناها لكن من غير ما يعرفونا مين اللي قالهم وبرضه كنا بنصدقهم.

7- لو مقولتش “بسم الله الرحمن الرحيم” الشيطان هياكل معاك

7

كلنا سمعنا الجملة من أهالينا واحنا صغيرين، وكانوا بيستخدموها عشان يعودونا إننا نقول “بسم الله الرحمن الرحيم” قبل الأكل، لكن نسيوا يخترعوا حاجة عشان نقول “الحمد لله” بعد ما نخلص.

8- اللعب بالمقص بيجيب النكد

8

خلينا نعترف أن المعتقد ده مش بس كدبة بيضحكوا بيها أهالينا علينا عشان يحمونا من خطر اللعب بألة حادة زي المقص، لكنه للأسف ميراث من الجهل وعدم الإدراك اللي خلى كتير مننا يردد الجملة دي من غير ما حتى يفهم معناها.

9- ارمي السنة المخلوعة للشمس عشان تطلع الجديدة

Teeth-vector-clipart-1

مين مننا معملش كدة وهو صغير؟ أكيد مفيش، كلنا غنينا “يا شمس يا شموسة خدي سنة الجاموسة وهاتي سنة العروسة” ورمينا السنْة المخلوعة للشمس واستنينا تبعتلنا الجديدة وكانت بتيجي بس مش بسبب الشمس طبعا

10-لو كدبت مناخيرك هتطول

10

ساعد كرتون “بينوكيو” كتير من الأمهات على استخدام كدبة جديدة يصدقها الأطفال وهي ان مناخيرهم هتطول لو فكروا يكدبوا زي ما كان بيحصل في الكرتون، وده طبعا كان عشان يخلونا نقول الحقيقة ونبعد عن الكدب.