اختلفت الأراء حوالين السن المناسب للجواز وخصوصاً بعد ارتفاع معدلات الطلاق بين الشباب اللي لسة متجوزين جديد، ناس كتير قالت الجواز بدري هو اللي بيكمل، وناس تانية قالت الجواز في سن متأخر بيدي فرصة للطرفين انهم يكونوا أكثر نضجاً وقدرة على تحمل المسئولية، لكن يا ترى مين فيهم صح؟ وايه هو السن المناسب للجواز؟ وايه كمان أسوأ سن؟ خلينا نعرف سوا رأي الخبراء والعلماء في الموضوع من خلال المقال ده.
أفضل سن للزواج
وفقا لدراسة قام بها عالم الاجتماع “Nick Wolfinger” في جامعة ” Utah”، اثبت أن الزواج بين سن 28 و 32 هو الأنجح والأكثر تفادياً للطلاق، والسبب هو أن بداية من سن 28، بتقل الهرمونات اللي بتحجب المشاعر الحقيقية، بيزيد الاستقرار المالي، وبتزيد خبرة الأشخاص في الحياة.
وأشار إلى أن أواخر العشرينات وأوائل الثلاثينات يعتبر سناً مناسباً للزواج بسبب نمو الأشخاص ونضوجهم بدرجة كبيرة، وقدرتهم في هذا السن على تحمل المسؤوليات، ومعرفة كيفية الوصول لأهدافهم والاعتناء بأنفسهم مع مرور الوقت.
كما أن هناك أيضا اعتقاد بأن الطرفين في أواخر العشرينات يصلان لدرجة نضج كافية تساعدهم على ضبط عاداتهم وأسلوب حياتهم لاستيعاب شركائهم في الحياة.
أسوأ سن للزواج
ووفقا لنفس الدراسة، فإن احتمالات الطلاق تبدأ في الارتفاع بنسبة 5 % سنويا بعد أن تصل إلى سن 34.
وبناء عليه، ترتفع معدلات الطلاق بالنسبة لأولئك الذين يتزوجون بعد سن الـ 35، والسبب وفقا لما ذكره “Woflinger”، انه عندما يظل شخصاً دون زواج إلى أن يصل إلى أواخر الثلاثينات، ثم يفكر في الزواج لا يضع في اعتباره فكرة استمرار أو نجاح هذا الزواج.
كما أن نسبة الطلاق في زواج الشباب هي الأعلى على الإطلاق، وذلك لأن الأزواج في أوائل العشرينات عادة ما يكونوا أقل خبرة، ولا يزال لديهم الرغبة في فعل الكثير من الأشياء، كما انهم أقل استقرارا من الناحية المادية، بالإضافة إلى ان هناك العديد من العوامل الأخرى التي تساهم في زيادة معدلات الطلاق بين الشباب
السن الحقيقي المناسب للزواج
عايزين تعرفوا إيه هو أحسن وقت للجواز؟
احسن وقت للجواز هو إنك تتجوز بس لما تحس أنك مستعد، و مع كدة، مفيش حاجة اسمها أوحش سن للجواز، وده لإن اصلا مفيش أي ضمانات لنجاح أو فشل أي علاقة ولا حتى في أي دراسة تقدر تتنبأ بنتائج كل جوازة، كل شخص مختلف عن غيره، وكل علاقة وليها تفاصيلها، وعلى الرغم من أن معدلات الطلاق ممكن تكون أعلى بالنسبة لبعض الأعمار، إلا إن ده مش معناه إن لازم الجواز في السن ده يبقى فاشل، وعشان كدة لو حسيت أنك مستعد لخطوة الجواز، مفيش داعي للقلق.
لازم تعرفوا كمان إن السن مش هو المقياس اللي بيحدد احتمالية نجاح أو فشل العلاقة، اللي فعلاً بيحدد هل العلاقة دي هتستمر أو لأ هو الجهد اللي بيعمله كل طرف من الطرفين عشان يحافظوا على علاقتهم يخلوها تستمر، والقدرة على التواصل الإيجابي والتفاهم بين الطرفين، بالإضافة إلى الدعم والثقة قبل أي حاجة.

 

المقال مترجم عن : 
http://romanticupdates.org/2016/10/the-best-and-worst-ages-to-get-married-its-not-what-you-think/