الست كائن معقد في أغلب الأوقات .. والراجل ممكن يضيع عمره كله عشان يفهم مخ الست وهي عايزة إيه وبتفكر إزاي .. وده هيودينا للجزء الأهم وهو أنك تفهم إيه اللي ممكن يعجب الست في الراجل.
إحنا هنا بنتكلم عن الإعجاب بس مش الحب .. يعني الانطباع الأول من الآخر كدة .. اللي هو ممكن يكون بداية حب أو نهاية أي احتمال لعلاقة بينكم.
ودول أكتر7 حاجات ممكن تعجب الست في أي راجل وتلفت نظرها ليه .. والباقي بقى عليك وعلى شخصيتك يا معلم
-
الحس الفكاهي
الست مبتقدرش تقاوم الراجل اللي بيقدر يضحكها .. مفيش حد بيعجب بحد دمه تقيل ورخم .. خفة الدم غالباً بتكون حاجة من عند ربنا بس أنت على الأقل تقدر متكونش رخم .. بس اوعى تتحول لأراجوز كل حياته ضحك وهزار وبالذات التريقة على الغير عشان دي هتقفل أي حد منك .. مش الست بس.
-
التركيز مع كلامها
على الرغم من أن نسبة كبيرة (مش قوي) من الستات دراما كوينز ومعظم مواضيعهم تافهة .. إلا أن ده ميمنعكش أنك تبقى مركز معاها وهي بتحكيلك قد إيه يومها كان سيء بسبب أن النسكافيه مكنش سخن مثلاً .. صدقني هتحبك أوي.
-
المظهر الكويس
اللبس الكويس والاهتمام بالمظهر من أكتر الحاجات اللي بتلفت نظر الست للراجل في أي سن .. بالنسبة للبس مش لازم يكون ماركات وغالي .. بس يكون لايق عليك وشيك ونضيف .. وبالنسبة لمظهرك مش لازم تبذل مجهود فظيع وتصرف كتير عليه .. بس على الأقل تهتم بنظافتك.
-
الثقة في النفس
دي أهم حاجة وأكتر صفة بتحبها الست في أي راجل .. أنه يكون واثق في نفسه وفيها وده هيديها إحساس بالأمان والاستقرار ودول أكتر حاجتين بتدور عليهم الست.
-
الطموح
الست بتحب الراجل الطموح والناجح في شغله .. أو على الأقل بيبذل مجهود عشان ينجح ومحدد أهدافه في المستقبل وعارف هو عايز إيه بالظبط.
-
تحمل المسؤولية “المادية بالذات”
من أكتر الحاجات اللي بتعجب الست في الراجل أنه يكون قادر على تحمل المسؤولية وخصوصاً المسؤولية المادية .. يعني بيعرف يتصرف في الفلوس صح بدل ما يقضيها ديون وسُلف .. ده بيبقى دليل على أنه قادر يفتح بيت في حال أن العلاقة هتتطور بينهم.
-
الثقافة والذكاء