بقلم : زياد شلبي

إحنا في مجتمع ذكوري جدا لدرجة إن إحنا بنتعامل مع الذكورية على إنها شيء عادي و طبيعي؛ و إن الحاجة اللي مش بتحاول تندمج في ذكوريتنا بتبقى غريبة و مش طبيعية. في مرحلة ما في حياتنا كلنا سمعنا إن الستات ملهمش غير بيتهم و أجوازهم؛و إن ضل راجل أحسن من ضل حيطة و إلخ إلخ. بس في موضوع العلم بالذات دخول الستات فيه بيبقى أصعب من دخولهم أي مجال تاني في أي حتة في العالم؛ فدول خمس علماء ستات غيروا شكل العالم و التاريخ و محدش تقريبا سمع عنهم قبل كده.

 

1- إيمي نوثر Emmy Noether

Noether

إيمي نوثر (23 مارس 1882-14 أبريل 1935) كانت عالمة رياضة ألمانية يهودية؛ معروفة عن إكتشافتها في مجالات الفيزياء النظرية الجبر البحت؛ اتوصفت من بافل ألكسندروف و ألبرت أينشتين إنها أهم ست في تاريخ الرياضة. أهم شغل لنوثر في الرياضة متسجل في الثلاثة أجزاء بتوع “epochs”.

 

2-ليزي ميتنر Lise Meitner

elise_meitner

ليزي ميتنر (7 نوفمبر 1878-27 أكتوبر 1968) كانت عالمة فيزياء نمساوية اشتغلت على موجات الراديو و الفيزياء النووية. ميتنر قادت مجموعة من العلماء اللي كانوا أول من اكتشف الإنشطار الذري لذرة اليورانيم عند إمتصاصها لنيوترن زائد؛ نتايج البحث اتنشرت سنة 1939 و أبحاثها مهدت الطريق لوجود الأسلحة الذرية المفاعلات النووية.

 

3-دورثي هودكين Dorothy Hodgkin

225px-Dorothy_Hodgkin_Nobel

دورثي هودكين (12 مايو 1910-29 يوليو 1994) كانت كيميائية حيوية بريطانية؛ هي اللي طورت علم كريستالات البروتينات (protein crystallography) و كسبت بسببها جائزة نوبل في الكيمياء سنة 1964. وكمان دورثي اتولدت في القاهرة عندنا هنا في مصر.

 

4-روزاليند فرانكلين Rosalind Franklin

0.Frontispiece-Rosalind

روزاليند فرانكلين (25 يوليو 1920-16 أبريل 1958) كانت كيميائية بريطانية و يمكن أشهر واحدة في اللي موجودين هنا؛ تقريبا هي اللي اكتشفت الDNA و الRNA, سر الحياة بالرغم إن إكتشافهم اتنسب لفرانسيس كريك و جاميس واتسون؛اللي أخدوا بسببها جائزة نوبل سنة 1962 من غير فرانكلين علشان مينفعش شخص ميت يكسب نوبل. شغلها طبعا في حاجات تانية تم الإعتراف بيه كاملا, و هتفضل واحدة من أعظم الستات اللي البشرية عرفتهم. الستات طول عمرهم مضطهدات في كل مكان و اللي حصل في آخر كام سنة من حركات تحررية حاجة عظيمة جدا,؛ مع وجود ناس لسه بينكروا دور الستات في المجتمع وإنهم آخرهم بيتها و جوزها؛ كل الأمثلة اللي فوق دي اتقالها نفس الكلام ده بس نجحوا في الآخر و خلدوا اسمهم في التاريخ, و ممكن جدا تبقي في يوم من الأيام زيهم.