من أصعب المواقف اللي بيقابلها أي شاب هي أنه إزاي يكتشف أن البنت اللي هو متعلق بيها بتبادله نفس الشعور ومعجبة بيه زي ما هو معجب بيها .. وأحياناً كتير بيفسر تصرفاتها بشكل غلط وبناء على وجهة نظره هو .. وبالتالي بيتصطدم لما تفاجأه لم يعرف أن الإعجاب من طرف واحد.
في الموضوع ده بقى هنسهلها عليكم شوية يا رجالة .. هنتكلم عن شوية علامات بتدل على أن البنت مهتمة ومعجبة بيك .. بس على الأقل لازم تكون مبينة لك علامتين أو تلاتة أو أكتر من العلامات دي .. علامة واحدة لا تكفي .. وخليك فاكر أن لكل قاعدة شواذ .. الموضوع في الأول وفي الآخر متوقف على “السنس”.
  • الـ eye contact

2
ال eye contact أو التواصل بالعين .. يعني بالبلدي شكل نظراتها ليك عامل إزاي .. بتبصلك بتركيز واهتمام وأنت بتتكلم معاها .. تحس أن في “شغف” كدة في نظراتها .. حلوة شغف دي.
في علامة تانية بس عايزة تركيز جامد شوية و إلى حد ما “weird ” يعني .. بس بتأكد إعجابها بيك .. وهي اتساع حدقة العين .. ودي علامة على توتر الشخص اللي قدامك وشعوره بالإثارة .. وده دليل كافي على الإعجاب.
  • الضحك

5
أنت ممكن يكون دمك خفيف والناس كلها بتضحك على إفيهاتك وقفشاتك .. بس لما تلاقيها بتضحك على أي حاجة أنت بتقولها حتى لو بتألش وبتحسسك أنك عزب شو .. تبقى واقعة يا معلم.
  • الرد السريع على رسايلك

3
لو بترد على رسايلك على الفيسبوك أو الواتساب بمجرد ما تشوفها .. دي علامة برضه أنها غالبة حاسة ناحيتك بحاجة أو عايزة توصلك الإحساس ده .. وممكن تكون برضه هي بنت حلال وبتعمل كدة مع كل الناس.
  • الـ body language

56
الـ body language  أو لغة الجسد .. من أصعب العلامات اللي ممكن تلاحظها .. بس من أهم وأقوى العلامات في نفس الوقت .. لو لقيت البنت اللي أنت معجب بيها بتظهر علامات جسدية بتبين أنها مش مرتاحة وهي بتكلمك .. زي مثلاً تكون شابكة دراعتها.. فدي علامة على عدم الإعجاب.
أما بقى لو بينت لك علامات جسدية بتبين أنها مرتاحة معاك .. زي مثلاً أنها تكون موجهة جسمها في إتجاهك وهي بتكلمك .. ده دليل على أنها على الأقل مبسوطة وهي بتتكلم معاك.
  • اهتمامات مشتركة

4
لو لقيتها بتركز على الاهتمامات المشتركة بينكم وبتتكلم فيها كتير لما بتكونوا مع بعض .. ده معناه أنها ممكن تكون عايز توصلك رسالة بطريقة غير مباشرة عن إعجابها بيك وقد إيه أنكم ممكن تكونوا “كابل” هايل.
دي كانت أهم العلامات اللي بتدل – من وجهة نظرنا التي لا قيمة لها – على إعجاب البنت بالولد .. قولوا لنا هل تتفقوا مع العلامات دي .. ولا شايفين أنها مش مقياس وأن في علامات تانية أهم.