أكبر مشكلة بجد في حياة البنات، هو وزنها، مهما كانت رفيعة لو البنطلون ضاق عليها سيكا بيكون يوم حزين ويعلم بيه ربنا، وولو زاد اكتر تبتدي تخش في مرحلة انا مش عارفني وانا مش قادرة ابص لنفسي في المراية، ومش عارفة البس هدومي ومأساة، والغريب أن ساعات البنت تقعد تحاول كتير فشخ تخس وتفشل في كل مرة، وفجأة يحصل شيء ما ملوش علاقة بالأكل اساسا ولا بالدايت يخسسها زي مثلا:
-
انا متغاظ
لما تكون الواحدة مغلولة من حاجة، وخد بالك بقول مغلولة مش حزينة، لأن الحزن بيجيب أكل، إنما الغل بيجيب حرقة دم وحرقة دهون، تقعد البنت تغل في نفسها وبطنها تقفش ومتبقاش طايقة الأكل ولا النوم لحد ما تفش غلها وترتاح، الفترة دي لو طولت على البنت بتخس بكل تأكيد، لأن التخن عادة بيجي يا من الرحرحة وراحة البال، يا أما من الحزن البيور، لكن الغل بيخليها مش على بعضها
-
الاكل كتير وحلو .. بس آي ضونت هاف تايم
والبنت بتعمل الدايت بتقعد كتير تطبخ اكل صحي وتعد السعرت وتركز وتوزن كل 5 دقايق والتوتر ده اصلا اللي بيخليها ماتخسش، ولو حصل للبنت بقى حدث في شغلها أو في طريق تحقيقها لأحلامها وبقت بتشتغل 10 ساعات في اليوم على أقل تقدير، وتاكل اي حاجة أدامها وخلاص من غير ما تفكر وهي واقفة على رجلها وبتحاول تنجز الشغل، تقوم تتفاجأ بعد شهر من السحلة دي انها خست اللي معرفتش تخسه في سنة رجيبم لمجرد انها معندهاش وقت تاكل ولا تنام بضمير
-
العلاقة الفاشلة
في رجاله كده ربنا يمسيهم بالخير، قادرين على انهم يسدوا نفس مجرة بحالها بكواكبها والكواكب المجاورة، يفقعك كلمة كده تنكد عليكي تنميك معيطة وملكيش نفس تاكلي، تصحي تاني يوم خفيفة ورشيقة وخاسه بتاع نص كيلو، يدب معاكي خناقة لمدة 3 ايام على حاجة تفاهة، تلاقي نفسك على اخر الاسبوع خسيتلك اربعة كيلو ولا حاجة.
-
النوم