هي دايماً بتبقي الشخص اللي بيدفعك للأمام و بياخد صفك وبيدور علي مصلحتك. عشان كدا احنا قررنا نقدملك خطوات تكتيكية هتخلي عيد الأم السنة دي يوم والدتك عمرها ما هتنساه.

بقلم: بسمة جمال

جهد مشترك:
0997

اتفق مع عيلتك إنه اليوم دا هيبقي “جهد مشترك” هتتقاسموا فيه أعمال البيت والمصاريف علشان تفرحوها.

اتفق مع السيد الوالد علي إنه يشارك في هذا اليوم ولو مشاركة وجدانية..

الأكل اللي بتحبه:
sfari_f88bbce530d2f19

لو كنت من القادرين علي الطبخ أو حتى واحدة من إخواتك، فهتبقي لفتة ظريفة وهتفرحها لو حضرتوا لها الأكلة اللي بتحبها..غير كدا رقم الدليفري موجود!

خروجة العيد:
3617338f00000578-3682256-image-m-25_1468078186045

مفيش مانع الخروجة تبقي عائلية، بس هي اللي تختار المكان.

ولو هنالك مكان ما هي كان نفسها تزوره من زمان، يبقي في الوقت دا بقي تعلمولها مفاجأة وتروحوا هناك.

ورد:
ef4535be1375f1a8acfa1adc1a8d199e

كل البنات والستات نفسها يجيلها ورد وبخاصة ورد أحمر ودا سر مش معترف بيه ولكن مسلم بيه، فهاتلها ورد أحمر في عيد الأم، يا سلام بقي لو اديته للسيد الوالد عشان هو اللي يقدمه لها.

ذا توك:
5892722_orig

اقعد معاها وفكرها بالمواقف اللي مرت عليك اللي عمرك ما كنت هتتخطاها لولا دعماها ليك فيها وعرفها أد إيه أنت ممتن لوجودها.. فكرها بالذكريات الجميلة بينكوا وفرحها.

الفيسبوك:
masoom-pears

خصص بوست لست الكل في اليوم دا علي الفيسبوك اكتب فيه عن دورها في حياتك ووقوفها جنبك و رعايتها وحنانها وأد ايه هي دايماً بتدفعك قدام.. و أوعي تنسي صور الورد الأحمر.

الهدية:
mothers_day_goodies_hamper

ابتعد تماماً عن هدايا المطبخ والنيش، خلينا في الهدايا الشخصية اللي هتفيدها وهتستخدمها وكل ما تستخدمها هتفتكرك.

حاول تتذكر لو هي ادتك أى “hints” لهدية معينة هي عايزاها\ محتاجاها أو فكر في حاجة هي كان نفسها فيها من زمان.

لو كل محاولاتك لمعرفة السر الخطير فشلت… اتجه للخطوة التالية.

الذكريات:

memories-wall-full-2000x728

جمع صور العيلة كلها في ألبوم أو حتى فيديو بداية من صور فرح والدتك ووالدك مروراً طبعاً بصورك إنت وأخواتك خلال مراحل مختلفة وإنتهاءاً بآخر صورة ليكوا مع بعض.