اكتر حاجه بتوجع البنى ادم انه يتخيل ان الشخص اللى يعرفه وصاحبه وبيحبه طلع مصلحجى وعارفه بس مصلحه ، سواء صديق او حبيب او زميل او اى بنى ادم في حياتك
عشان كده فيه شويه حاجات اجتمع عليهم شويه ناس اول مابتحصل لازم نعيد تفكير فالشخص اللي قدامنا لان دى كلها اشارات وعلامات لكونه شخص مصلحجى
  • الفلوس

canvas-3-300x178

اول حاجه واهم حاجه الشخص اللى بيدعى الصداقه وهو اصلا مابيظهرش في حياتك ولا بيسال بشكل مستديم وتليفوناته ومقابلاته معظمها بتنتهى بمشاكل ماديه وطلب فلوس سلف ، دايما بيشتكى دايما مزنوق ماديا دايما بيقولك هخرج بس هتعزمينى عشان مش معايا فلوس وممكن تلاقيه في نفس الوقت خارج تاني يوم مع ناس صحابه في مكان اغلى من اللى كنتوا قاعدين فيه .
  •  مابيدافعش عنك

CfxV7t8WwAQHJlg

تانى اهم حاجه هى انه او انها تسمع سيرتك في قاعده صحاب عن حاجه وحشه فيكي او اتهامك باى حاجه وتلاقيه بيهز راسه ومايحاولش يبرر موقفك او يقول الحقيقه او يثبت العكس او حتى ييجى يقولك قالوا عليكي كذا ، اعرفي على طول ان الشخصيه دى مش سويه ومعرفتها بيكى وقتيه ولهدف ما .
  • مابيفرحش معاكي

Image processed by CodeCarvings Piczard ### FREE Community Edition ### on 2016-03-17 08:43:20Z | | ÿÿÿÿÿÿÿÿÿÿÿÿÿI™èh

دايما الشخصيه دى غير متواجده معاكي في اى مناسبات انتى فرحانه فيها دايما عنده اعذار دايما مش موجود واسبابه دايما غير مقنعه المهم انه مش موجود .
  • مابيقولش الحقيقه

65de2b19-9347-4de6-98cd-3c82e6be39b7

دايما بيبالغ دايما لما تساليه عن رأيه في حاجه يلف ويدور وعمره مايقول رأيه بصراحه بس ممكن يقول رأيه بصراحه لحد تاني ولما تعرفي وتواجهيه يقولك مقولتش عشان مش عايز اخسرك ، لازم تفهمى ان الصاحب /الصديق اللي بجد هو اللي يواجهك بغلطاتك وبرأيه فيكي وفى تصرفاتك بصراحه حتى لو هايضايقك مش يخبي عليكي عشان مايزعلكيش وحتى لو هيخبي ممكن بردوا يقول ويجامل او يجمل الحقيقه مش يكدب او يخبي ومايقولش اصلا .
  • محبط متشائم بطبعه

large-2409988687428551047

في بنى ادمين كده عمرهم مايشجعوكى على حاجه دايما يبص للحته الضلمه اللي في اى قصه او مغامره عايزة تعمليها دايما محبط دايما بيقول بلاش بلاش احسن ، او يشكك في اللى عايزه تعمليه
او اضعف الايمان يرفض من باب لا مش مرتاح وخلاص ، ودايما يأنب ضميرك ويقولك هطلع انا صح وهتيجي تحكيلى وهفكرك ان انا صح .