شوفوا بقي بحر العلاقات واسع ومليان بلاوي وللاسف مافيش خريطه ولا دليل شامل كامل للمعامله لحد دلوقتى . البنات بتجتهد تعرف والولاد بتجتهد ماتعرفهومش واحنا بنجتهد نكتب؛ وانتوا بتجتهدوا تقروا عشان تفهموا وكلنا بنقع في نفس الاخطاء حتى لو قريناها مليون مره وصدق اللى قال مرايه الحب عاميه .
-
بيسال عليها دايما
الا هى فلانه فين ؟ لو اول ما بيشوفك بيقولك الكلمه دى بعد كلمه ازيك او وحشتيني اعرفي ان فيه حاجه غلط خليكي حويطه وماتبينيش انك قفشتيه سيبيه براحته خالص لو عمل الغلطات اللى جايه دى يبقى مابدهاش بقي .
-
مين اللي معاها ده
لو لقيتيه مش على بعضه كده وهو شايف صاحبتك حبيبتيك انتيمتيك مع صاحبها او حتى زميلها وفضل يسال الا هو مين اللى معاها ده خليكي انتى انصح منه وحتى لو اللى مع صاحبتك ده اخوها قوليله ده صاحبها الجديد اصلهم بيحبوا بعض قوي لو فضل يكمل ويقولك اصل شكلهم مش لايق على بعض هى احلى منه اصل انا مش مرتاحله شكله مريب اعرفي بردوا ان فيه حاجه غلط .
-
ماتجيبيها معاكي
فكره انه يسال عليها كتير وعلى اللى معاها مين هتوصلنا منطقيا انه يحاول يعرف اكتر وبالتالي اى خروجه هتلاقيه بيقولك في اخر المكالمه ماتجيبى فلانه معاكي اهو بالمره نشوف صاحبها الا لو هو مرهف المشاعر وبيحب يطمن على صحابك وده احتمال ضعيف للغايه .
-
معاكسه بس
هتلاقيه دايما بيكومينت على الفيسبوك حتى لو صورتك معاها هتلاقيه بيبدى اعجابه دايما بالصوره ولون الفستان او يعمل Love مش بس Like ؛ ولو خارجه معاكوا هتلاقيه دايما بيقارن بينكوا ويقولك قدامها بصى اتعلمى من صاحبتك بقي .
-
ذوق وجنتل معاها