أيوه احنا بالبساطة دي على فكرة، اي ولد يقدر يكسبنا بالخمس خطوات دول، ايوه احنا مش عايزين أكتر من الولد اللي بيحبنا انه يحترمنا ويقدرنا مش لازم نتغرق هدايا وكلمة “بحبك” وهنتجوز امتي وخروجات في أغلي الأماكن ، اي نعم الحاجات بتفرق، بس مش هي كل حاجة، دول شوية خطوات ممكن تعملها عشان تقدر تكسب قلب البنت.

الإهتمام

الاهتمام

أول وأهم خطوة هي الإهتمام ثم الإهتمام واي حاجة هتيجي بعدها، الإهتمام بها وانها الوحيدة اللي في حياتك، الإهتمام بتفاصيل يوميها انك تسألها عن يومها مشي ازاي والشغل، بتقرأ ايه والأفلام اللي بتحب تتفرج ونجومها المفضلين لو اتقابلتوا عبر عن إعجابك بذوقها في اللبس واختيار الألوان، الحاجات بتفرق معانا كبنات.

 

الحنية

الحنية

في مشهد عبقري لعبلة كامل في فيلم هيستريا إختصرت فيه كل حاجة بنت او ست تكون محتاجاه من الولد اللي بتحبه كانت بتقول  فيه ” ممكن ولا أكل و اشرب ولا انام بس الراجل اللي احبه يطبطب عليا و يقولي سلامة رجلك من الوقفة يا وداد”، كلمة حلوة وسط تعبها غير كلمة “معلش” تضيع تعب اليوم.

 

كن صديقي

صاحبها

“كن صديقي” من أشهر الأغاني اللي قدمتها ماجدة الرومي بتقول فيها ” كم جميل لو بقينا اصدقاء ..ان كل امراه تحتاج الى كف صديق”  بمعني تاني “صاحبها” يعني مش مجرد حبيب وخلاص يقول كلام حلو ويغير ويجيب هدايا، خليك صاحبها واملىء عينها بمواقفك جانبها، خليك الصاحب اللي أول ما  توقع في مشكلة تجري عليه وتحكي له حتي لو هي غلطانة، خليك الصاحب اللي تحب تقوله على اي حاجة من غير خوف انك تسيبها.

 

 الوردة

ورد

الجملة الشهيرة لهند صبري في فيلم أحلى الأوقات “عايز ة ورد يا إبراهيم” بالظبط هات ورد حتي لو هي مبتحبش الورد، اسمع مني زي ما بقولك نسبه كبيرة من البنات مش بتحب الورد بس نفسها يجلها ورد، الفكرة انها نفسها تعيش جوا الأفلام والمفأجاة الورد.

 

هدية

هديه

يا سلام بقي لو كان الهدية معها عنصر المفأجاة، كان حاجة نفسها فيها، هدية من غير مناسبة مجرد انك تفرحها، مش لازم تكون حاجة غاليه، ممكن كتاب كانت عايزاها او خاتم فضة او شكولاته بتحبها، او ايس كريم.