بقلم : سلمي مسعد
-
الروتين
الروتين السبب الاول اللي يخللي اي حد يدخل في اكتئاب, اننا تعيش نفس الروتين كل يوم من حياتنا, نشوف نفس الناس و نعمل نفس الحاجة بنفس الترتيب… اكيد في حاجات مش بأدينا نغيرها, لكن المهم اننا نبقي عارفين و واثقين ان الحاجة دي هي السبب. يعني لو اتكلمنا علي الشغل مثلا, لو نمط الشغل هو نفسه كل يوم لازم هانزهق و نمل…
اكيد مش بالسهولة ابدا اننا نغير شغلنا once اننا حسينا بالاكتئاب, و خصوصا لو كنا ملتزمين ماديا…… (نصيحة) ياريت اللي لسه بيدرسوا او اتخرجوا و في بداية حياتهم العملية, يجربوا اكتر من شغل و خصوصا وانتم لسه صغيرين (متتخيلوش ده مفيد قد ايه) و بعدين تختاروا اللي الشغل اللي بتحبوه مهما كان و تكملوا فيه…
اما للناس اللي مستقرة في شغلها already و بتحبه و بتقدم فيه كمان (لكن بيمروا بفترة روتين) ممكن نحاول نغير في ترتيب الخطوات اللي بنعملها من بداية اليوم, طبعا كل شغل يختلف عن التاني لكن بما اننا بنحب شغلنا فأكيد هانقدر نتغلب علي فترة الكأبة.
اما بقي لو كنا من الناس اللي اصلا بتكره شغلها و مش مبسوطين فيه او اننا واخدينه سبب للدخل بس فأكيد هانكتئب, لاننا مش هانعرف ندي ولا هانعرف نستفاد منه و هانحس اننا بنضيع وقت و خلاص… لازم نستغل الفترة دي و ناخد خطوة ايجابية و ياريت لو نقدر نغير الشغل لغيره كمان لأننا عمرنا ما هانلاقي الرضا اللي ممكن نلاقيه لو بنشتغل حاجة بنحبها.
-
الوحدة
I know ان الوحدة ساعات كتير بتكون اريح من اننا نعيش مع ناس كتير (حتي لو الناس دول اكتر ناس بيحبوك اللي هما اهلك), لكن ساعات بنحس ان نفسك لو يكون في حد معاك يشاركك لحظات حياتك (ممكن تكون اختك / مامتك / اخوك / حبيبك…). ساعتها ممكن نكلم اي حد بنحبه نشاركه في اللي حاسين بيه (لو اصلا مش طبيعي اننا نكلمهم بصفة دايمة)… ممكن نخرج, ممكن نعمل حاجات كتير جديدة و مختلفة… لكن اهم حاجة, اهم حاجة اننا منقفلش علي نفسنا.
-
مفيش طموح… مفيش هدف
اننا نعيش في الحياه من غير هدف, ده اكيد حاجة متبسطش ابدا. خلينا نحط هدف في حياتنا مهما كان و نفضل وراه لحد ما نوصله… و علي فكرة ممكن نحط اهداف صغيرة نعملها و نوصلها هدف ورا هدف (زي مثلا اخد course معين, او اعمل diet او اسافر في مكان) و كل مرة نوصل لهدف هانحط هدف اكبر نوصله .
-
مش لاقين ناس عندها نفس فكرنا / بنقابل ناس بتحرق دمنا
لو حاسين ان الناس اللي حوالينا مش فاهمنا و مهما حاولنا نوصل وجهة نظرنا في موضوع معين و مبتوصلش, او لو حاسين انهم بيتكلموا في مواضيع يالنسبالنا مرفوضة تماما. فهنا اقدر اقول ان الحاجة الوحيدة اللي نقدر نعملها اننا نبطل نحاول. ايوة بكل بساطة, لأن مهما جادلنا ولا هما هايغيروا فكرهم, ولا احنا تفكيرنا هايتغير, و مش هايحصل الا ان دمنا هايتحرق… (يعني لو انا بشتغل و مستقلة و مؤمنة بشغل المرأه و برسالتها, مش هاتكلم مع حد عارفة انه شايف ان الست مكانها بيتها و لازم تكون زي الكنبة) عشان اكيد عندنا مرارة واحدة.
-
الطاقة السلبية
ايه ده؟ لأ بجد هو ممكن ناس تدينا طاقة سلبية و تقفلنا اليوم و نحس اننا مش عايزين نعمل اي حاجة؟ ايوة. اكيد. طبعا..
طيب ازاي نعرف ان اللي قدامنا ده كده؟ ممكن منعرفش من اول مقابلة, لكن actually احساسنا هو اللي هايدلنا..
يعني لو اتسألنا اسئلة شخصية جدا و اتكسفنا منردش.. لو بيدونا تعليق سخيف و مبنعرفش نرد.. لو بيتكلموا علي حاجات سلبية كتير مش عايزين نسمعها, etc يبقي الحل الوحيد اننا نهرب, ايوة ده الحل الوحيد, لأن الناس دي لو صارحناهم و طلبنا منهم ميدخلوش او يبطلوا يشتكوا او او او… هانلاقيهم بيتهمونا اننا مش وش صداقة حقيقية و يقلبوا التربيزة و يحسسونا اننا ظلمناهم بطريقة لا تغتفر. فناخد الطريق الاسهل و نحاول نتلاشاهم و اذا كان من الضروري نتجمع فبلاش نحكي في تفاصيل حياتنا الشخصية و بلاش نديهم فرصة يحكوا حاجات سلبية.
-
مش معايا فلوس