لو انتى بنت ودخلتى ال ” فريند زون” لا قدر الله إزاى تخرجى منها من غير أى خساير ؟ اولا خلينا متفقين ان البنت غير الولد فى ال زون دى يعنى لو ولد دخلها يقول على نفسه يا رحمن يا رحيم! لكن انتى يا حلوة موقفك سهل بس تصحصحى معايا كده.

أولا تانى ومن غير زعل انتى اللى حطيتى نفسك فى الزون دى وهفكرك, فاكرة لما كنتى بتقعدى تقوليله “انت كيوت اوى على فكرة” مبدئياً كده الجملة دى بتتقال على سبيل المجاملة مش الـ flirtation يعنى تقوليها لطفل عنده 7 سنين ابن عمتك، أخوكى فى الرضاعة، قريبك من بعيد وهكذا, لكن حد معجبة بيه… يؤسفنى اقولك انك كده قفلتيه!

أقرأ ايضا : احذري .. 9 علامات انك بتتحطي في ال ” فريند زون ” 

طب فاكرة لما كنتى بتقعدى تقوليله “انت زى أخويا” تقريبا الجملة دى واخدة أوسكار غباء أبدي!! انتى كده بتفصليه رسمى,  انتى كده بتقفلى أى باب ممكن يدخلك منه و أى سكة! متفكتريش انك كده بتتقربى منه وهتبقى حافظة اسراره الأمينة ودراعه اليمين- ده لمصلحتك انتى والله -عامة كفايا تقليب مواجع واليكى الحل السريع الفعال المجرب من قبل سيدات فى مختلف المراحل العمرية وضعهم القدر فى (اللهم احفظنا) ال ” فريند زون ” ..!

بصى يا ستى قدامك 7 خطوات مالهمش تامن

1- انسى بقى أخويا وزى أختى وانت كيوت وكده، فى مصطلحات أهم وأكثر فاعلية هندخلها قاموسك.. زى يا babe او خدى bae دى جديدة وبتجيب.

فريند زون

2- اهتمى بيه وبتفاصيل يومه .. الولاد كمان بتحب الاهتمام وبتحتاجه زينا بالظبط

صعيدي في الجامعة الامريكية فريند زون

 3- حسسيه انه مختلف مش بيُعامل زى أى حد.

مني ذكي صعيدي في الجامعة الامريكية -فريند زون

4- شوفى بيحب إيه وأعمليه، حاولى تلفتى نظره حسسيه إنك جوه الفريند زون حاجة وبراها واحدة تانية خالص

مني ذكي

5- خليكى السهل الممتنع كده فى نفسك اقولك على حاجة خليكى على وضعك.

بداية فريند زون

6- ال” فريند زون ” مبتأذيش غير صاحبها.. انفدى بجدلك يا بنتى.

صعيدي فالجامعة الامريكية

7- خليكى عارفة ان كل شئ مباح فى الحرب وال ” فريند زون ” . . أه  والله.

via GIPHY

ربنا معاكى انتى واللى زيك واتنمنى متقعيش فى الزون المنيلة دى تانى وتكونى سبب فى انقاذ ضحايا ال ” فريند زون ” .. سامو عليكوا…!