السوشيال ميديا كلها مقلوبة بقاله كام يوم وكل الناس مالهاش سيرة دلوقتي غير الـ Pokémon، اللي ماشى يدور عليه في الشوارع واللي راح أماكن جديدة عمره ما راحها قبل كدة واللي دخل وراه قسم شرطة وغيره وغيره..
3سبب طرح جهاز الـ “بوكيمون جو” القابل للارتداء
لأن لعبة الـ “بوكيمون جو”  بتعتمد على دمج الموبايل بالواقع عن طريق الكاميرا لـ ” “GPSفا طبيعي جدا إن شحن الموبايل يخلص بسرعة، وعشان كدة اعلنت شركة ” Niantic” المالكة للابليكيش – واحدة من واحدة من الشركات التابعة لآلفابيت (الشركة الأم لجوجل)- خلال معرض E3 للألعاب، إنها هتطرح جهاز منفصل قابل للارتداء خلال شهر يوليو الجارى بسعر 35 دولار وده هيسمح للمستخدمين باللعب من غير ما يحتاجوا يفتحوا الموبايل، بالإضافة إلى رغبة الشركة في الحد من هوس استخدام الناس للهواتف الذكية، واستبدالها بالجهاز القابل للارتداء وبكدة يقدروا يركزوا اكتر في اللعبة ويتفادوا أي خطر ممكن يتعرضوله أثناء البحث عن البوكيمونز.
رئيسية
طريقة تشغيل جهاز البوكيمون جو القابل للارتداء
الجهاز ده بيشتغل عن طريق الإضاءة والاهتزاز لما يكون البوكيمون فى مكان قريب من المستخدم، وكل اللي عليه فعله هو إنه يضغط على الزرار عشان يصطاده، والجهاز هيستجيب من خلال الضوء الأزرق للإشارة إلى نجاح عملية الصيد، أو الأحمر للفشل.
2
جهاز البوكيمون جو مش بس لعبة ده رياضة
جهاز البوكيمون جو بيعتمد على الحركة للبحث عن البوكيمون والوصول للـ Pokéstops”” واللي بيضطرك تمشي مسافات كبيرة على رجلك، وبكدة تبقى مش بس لعبة للتسلية وتضييع الوقت، دي كمان رياضة.
1شوية معلومات عن لعبة الـ “ Pokémon Go
لعبة الـ “Pokémon Go” هي لعبة بتعتمد على الربط بين كاميرا الموبايل وحاجات تانية كتير في الواقع عن طريق تقنية  الـ “”GPS اللي بتخليك تقدر تطارد البوكيمونز في كل مكان بتحددهولك وتصطادهم عن طريق رمي الكور عليهم وكل بوكيمون بتصطاده بيكون ليه خصائص معينة زي رقم الـCP اللي بيقيس الطاقة الخاصة بالبوكيمون، وكل ما زاد الرقم ده كل ما كان البوكيمون اقوى.