نشرت الـCNN النسخة التركية تقرير بتقول فيه أن  قاعدة بينات مكتب التحقيق الفيدرالي ” FBI” كشفت عن قائمة بتضم أبراج أكتر الأشخاص اختلالاً عقلياً وأخطرهم على الإطلاق من الجانب الإجرامي، من خلال شوية إحصائيات وتجارب عملوها على مجموعة من المجرمين، وكانت النتيجة كالأتي..

1- السرطان.. اكثر الابراج اجراماً

يتربع برج السرطان على رأس القائمة وده بعد ما اكدت الاحصائيات ان اكبر عدد من المجرمين بينتموا للبرج ده، وده لان مشاعره بتتحكم بدرجة كبيرة في تصرفاته وردود افعاله، وعشان كدة معظم جرائم القتل اللي بيرتكبها بتكون بسبب ردود افعال مفاجئة وغير متوقعة على الامور العاطفية زي الغيرة، وده عكس كل الابراج الباقية.

2- برج العقرب .. مالوش منافس في الاختلال العقلي

احتل العقرب الترتيب التاني من قائمة الابراج الأكثر اجراما واختلالا عقلياً،

وده بيخليه واحد من أكثر الأبراج خطورة، مش بس لان الاحصائيات اكدت ده، لكن لان معظم الجرائم اللي ارتكبها المجرمين من مواليد البرج ده كانت بتتنفذ بطريقة مؤلمة وعنيفة وكانوا المجرمين بيتعملوا مع ضحاياهم  بأساليب في منتهى القسوة والسادية.

3- برج القوس.. في الترتيب الثالث

يعتبر القوس واحد من اخطر الابراج على الإطلاق على مستوى الإجرامي، وده لانه بيضم عدد كبير جداً من المجرمين على مستوي العالم، والسبب الوحيد اللي خلاه ميبقاش في المركز الاول من قائمة الابراج الاكثر اجراما هو انه عادة بيرتكب جرايمه بتحريض من أشخاص تانيين وتنفيذاً لاوامرهم.

4- برج الثور.. في الترتيب الرابع

برج الثور معروف بطبيعته العنيدة وقوته وجرأته، وده بيخليه ميترددش لحظة في ارتكاب جرائم القتل، واللي عادة بتكون بهدف تحقيق مصالحه الشخصية والوصول لاهدافه، وبنوايا ودوافع شرٍ مطلقة مش عشان هو مريض نفسي أو مختل عقلياً فقط، ومش بس كدة، ده فيه احصائية تانية اكدت ان برج الثور هو أكتر الأبراج إجراماً في القضايا النقدية، زي الغش والاحتيال.

5- برج الحمل.. واحد من الخمسة الأوائل

يشتهر برج الحمل بغضبه المفاجئ وغير المتوقع وعناده المبالغ فيه وتمرده الشديد، وعشان كدة وجوده ضمن الخمسة الاوائل ميعتبرش مفاجأة، وده لان معظم مواليد البرج ده بيرتكبوا جرائمهم في لحظة عصبية واندفاع، وبعد كدة بيندموا.

6- برج الجدي.. في منتصف القائمة

على الرغم من ان برج الجدي جاي في نص القائمة لانه بيضم عدد متوسط من القتلي الجنائيين، الا ان الاحصائيات اكدت انه بيضم اللي ارتكبوا أكبر عدد من جرائم بالقتل على مر التاريخ.

7- برج الحوت.. يأتي في الترتيب السابع

على الرغم من ان مواليد برج الحوت عاطفيين بدرجة كبيرة، الا انهم مش ابرياء زي ما كتير مننا بيعتقد، وده اللي كشفته الاحصائيات اللي اكدت ان أكتر نسبة من القتلة المتسلسلين والمرعبين بينتموا لبرج الحوت، زي مثلاً “جون واين جاسي” اشهر قاتل متسلسل في أميركا.

8- برج العذراء.. في الترتيب الثامن

برج العذراء المعروف بذكاءه ودقته ونظامه وقدرته على التفكير في أدق التفاصيل، احتل الترتيب الثامن من قائمة الأبراج الأكثر اختلالاً عقلياً وإجراماً، واوضح التقرير أن معظم الجرائم اللي ارتكبوها كانت جرائم غش واحتيال، وده لإن قدرتهم ومهارتهم في المنطقة دي بتتعدى مهاراتهم في جرائم القتل بمراحل

9- برج الميزان .. في الترتيب التاسع

احتل برج الميزان الترتيب التاسع في قائمة الأبراج الأكثر اجراماً، ولإنه اصلاً واحد من أكتر الأبراج اللي بتسعى ورا تحقيق العدل والعدالة، أوضح المجرمين اللي بينتموا لبرج الميزان أن الجرائم التي ارتكبوها كانت بغرض ضمان تحقيق العدالة.

10- برج الأسد .. الترتيب العاشر في القائمة

يعتبر برج الأسد ثالث أقل الأبراج إجراماً وإيذاءً، وزي ما كلنا عارفين ان مواليد البرج ده بيحبوا دايماً يكونوا محط أنظار واهتمام الجميع، أوضح التقرير أن الجرائم اللي ارتكبها المجرمون من البرج كلها كانت بهدف جذب الانتباه.

11- برج الدلو .. المركز قبل الأخير

كشفت الإحصائيات ان برج الدلو يعتبر ثاني أقل الأبراج إيذاءً، واوضحت ان مواليد البرج ده أبرياء ولا يمكن تصنيفهم كـ”مجرمين” لإنهم من أكتر الأبراج اللي بتلتزم بالقوانين والمبادئ، وعندهم قدرة كبيرة على التكيف مع كل الظروف اللي ممكن يمروا بيها مهما كانت درجة صعوبتها، وبالتالي لا يقبلون على ارتكاب الجرائم.

 

12- برج الجوزاء .. أقل الأبراج إجراماً

على الرغم من انه كلنا اكيد توقعنا ان برج الجوزاء يحتل المركز الأول في قائمة الأبراج الأكثر إجراماً واختلالاً عقلياً  بسبب شخصيته المتناقضة وحالته المزاجية المتقلبة وطباعه المتغيرة، إلا ان الإحصائيات كلها اكدت ان الجوزاء يعتبر أقل الأبراج إيذاءً، واوضحت كمان انه لما بيقرر يأذي مبيعرفش يأذي حد غير نفسه.