مافيش حاجه بتفضل على حالها ، الحياه بتتغير حضرتك كل ساعه عن الساعه اللي قبلها مواليد التمانينات صحيوا في يوم لقوا مواليد التسعينات والالفينات مغيرين كتير على مستوى العلاقات ، كلمة رومانسيه دى شالوها غالبا من القاموس العاطفي المصري وفيه كلام تاني خالص بقينا مجبرين نقوله عشان نجارى الشباب والحداثه وانفتاح ما بعد الانفتاح.
المرحوم بقي EX
زمان لما كانوا اتنين بيفركشوا كانت غالبا البنت بتقول على الولد المرحوم او الموكوس او اللي مايتسمى صحينا في يوم لقينا بقى اسمه دلع كده اكتر وبقوا يسموه الـ Ex وبقى فيه فشخره كده وهى بتتقال ” الاكس بتاعي ” كانها بتعرفك على ابن خالتها مثلا او خطيبها .
الجو بقي كراش
هنقف احنا بقي شويتين عند حوار الكراش ده اللى انا شخصيا مش مستلطفاها كأسم والكراش في قاموس الاندرايدج هو الشخص اللي الواحده معجبه بيه او بتراقبه في صمت وكان يلقب في تسعينات واوائل الفينات القرب بعده اسماء منهم على سبيل المثال لاالحصر ( الجو – الحته – القلب – الحته الشمال )
