عارفين احساس انك تبقى شايف حد عبقرى فى مهنته وواخد على قفاه  او بمعنى تاني حد عامل اللى عليه بس دون مقابل بتبقى محمؤله اوي و عايز تاخد له حقه ،ده بقى احساسي مع ليناردو دي كابريو اصل هو بالنسبة لى مش ممثل احنا اتعرفنا على بعض و انا تقريبا عندي اربع سنين و هو كان فى اوائل العشرينات يعنى فى سنى دلوقتى المهم اخدنى من ايدى كدة وودانى معاه المحيط و سفينة بتغرق و حوار، كان من اوائل الناس اللى حببوبنى فى العالم ده هو مكنش بالنسبة لى الولد الوسم ابو عيون زرقة بس كان سفير العالم السحري ده اللى بكروما خضرا و بسين ممكن يعيشيك في مغامرة خلال ساعتين مع ناس ماتعرفهومش فى زمن تانى و بلد تانية .
عشان كدة انا عينت نفسي خلال المقال ده كمحامى لدكباريوا و هعرض على سيادتكم خمس مشاهد لموكلى يستحق عيلها الاوسكار بجدارة و اللى المفروض كان يخدها من بدري اوى بس ما علينا يمكن بعد الاطلاع على الادلة المقدمة للاكاديمية تحس على دمها ، ها يلا استعنا على الشقا بالله.
الدليل الاول : مشهد من فيلم the revolutionary road (2008):
قبل ما اتكلم على المشهد عايزه بس اقول حاجة عن الفيلم نفسه , الفيلم  ده من الافلام اللى من وجهة نظرى underrated شوية او مظلومة فى عالم ال”هيييح” و القلوب بتاع الفيس بوك بس هو فيلم اعمق من كدة بكتير و ممكن يتشاف من اكتر من زاوية بس ال main theme بالنسبة لى هى فكرة ال appearance VS reality  اللى انعكست على ابريل -KateWinslet – و فرانك -Dicaprio- هما مرسومين قدام الجيران و كل اللى يعرفهم انهم the perfect couple  و لكن مع مجرى الاحداث بنكتشف الحقيقة و هى  انهم زوجين بائيسن جدا وده من روتين حياتهم و كل واحد بيعانى من فشل معين فى الcareer life بتاعه مما ادى فى النهاية انهم خانوا بعض و ده فيه اسقاط غيرمباشر على امريكا فى الخمسينات بعد الحرب فى الوقت ده كان يبدو على  المجتمع انه فى مرحلة تقدم و ازدهار اقتصادى و صناعى و لكن كان الوضع الداخلى للمواطنين اللى زى فرانك و ابريل مضطرب تماما .
فى اخر الفيلم مع سقوط قناع المثالية لعلاقتهم و بعد ما ابريل خانت جوزها بتصاب بنوع من اللامبالاة و عدم الشعور بالواقع و بتقرر انها تقوله خلال خناقة بينهم انها بتكره و كانها قتلته بسكينة بارده ،اداء Dicaprioفى المشهد كان طبيعى لدرجة مخيفة طبيعى لدرجة شعوري ان انا مكانه، انى بعد 7 سنيين جواز اصحى الاقى جوزى بيقولى صباح الخير انا بكرهك ايه رأيك فى المفاجاة دي؟ ادائه كان مزيج بين صريخ و هسترية عياط و خصوصا بعد جملة وينسلت الشهيرif you touch  me ,I think I will scream“و فعلا لمسها و طرشتنا بنت المجانين!

 

الدليل التانى مشهد من :Django unchained(2012)
الممثل الناجح لازم يتوفر عنده الموهبة و ده الشىء الاساسي طبعا بس لو الذكاء محدود عنده يبقى الموهبة دى هتوحشنا والله. Dicaprio بجانب موهبته عنده ذكاء و ثقافة كافية انه يختار يعمل ايه و مع مين يعنى اما يبقى فيلم من اخراج Quentin Tarantinoو بيمثل فيه Christoph Waltzو Jamie Foxx يبقى ده حد فعلا عارف هو بيختار ايه و ده اللى خلاه برغم نجوميته يقبل عادى من غير اي عقد و امراض من اللى موجودة عندنا هنا دى انه يلعب دور ثانوي مساعد وكان من ابرز الادوار اللى اقدمها لانه عرف ينقل غطرسة و تفاهة و سخافة ال white man فى امريكا فى الوقت اللى كانت تجارة العبيد قانونية و ان اى بنى ادم لونه اسود فهو فصيلة من الحيوانات.
 المشهد اللي هكلم عنه كان turning point  جديدة لاحداث الفيلم و لشخصية Leo نفسها اللي ظهر بعد ساعة تقريبا من الفيلم ككلفين كاندي واحد من اهم اصحاب الاراضى فى مسيسبي بعد ما اكتشف انDr. King Schultz-Waltz- و -Foxx- Django خطتهم اللى عملنها عشان يشترو بروهيلدا مرات جانجو. Leo قدر يوظف نبرات صوته كويس اوى عشان يناسب انفعال الشخصية فى اللحظة دي فقدر ميبقاش مفتعل و لا ضعيف و بجانب طبعا عبقرية ال dialogue خلقت مشهد عنيف و دموي بس بشياكة زي أغلب شغل Tarantino.

 

الدليل التالت : مشهد من فيلم The wolf of the wall street

اما تبقى مثلا عارف عن فلان انه guitarist ناجح جدا و عزفه رهيب دى بتبقى خلاص اتسستمت فى مخك انها a sort of fact  او بديهات يعنى و مش هيبقى فى انبهار لان خلاص اتعودت على جمال لعبه لكن اما الشخص ده يقرر فجاة انه يلعب درامز و يلعبها بنفس عبقرية الاداء فى الجيتار يبقى الشخص ده قادر انه يتلون و يتشكل فى كل اركان المزيكا بسهولة و بسلاسة شديدة ده بالنسبة لى كان dicaprio فى الفيلم ده بعد سلسلة طويلة من العزف الدرامي من the aviator  ل blood diamond  لshutter island قرر انه يلعب كوميدى بفس عبقرية الاداء مع المايسترو martin Scorsese .
نيجى بقى للدليل نفسه مشهد الوصول للعربية بعد ما شرب جوردن -Dicaprio- نوع قوى من المخدرات اسمه Lemmon 714 و اللى افقده القدرة عن الحركة و النطق، المشهد كان حوالي خمس دقايق بس Dicaprioو Scorseseمخلونيش احس للحظة بالملل بالعكس ضحكت و استمتعت بكل ثانية و كانت كوميديا الموقف هى بطل المشهد دون استخدام سياسة “حزء” الممثل عشان يضحكنا و فى الاخر بنعيط اصلا من الزهق . Dicaprioخلق لى مشهد باداء مختلف عن اى حاجة اتقدمت قبل كدة عن تأثير المخدرات على البنى ادم و خلانى اصدق للحظة ان انه فعلا شارب حاجة عشان يبقى ادائه بالشكل ال”high”ده.

 

الدليل الرابع :مشهد من فيلم The shutter island(2010).

فيه stereotypes كدة كانت بُتتبع لشخصيات معينة زى مثلا الشرير كان فيه فترة لازم يرفع حواجبه و يضحك ضحكة “شريرة”بصوت عالي وهو بيرجع دماغه لواره ده برضه كان موجود لشخصية مركبة زى المريض النفسى دايما كان ببيقى فيه قواعد ثابتة تقريبا الممثل لازم  يتبعها و هي رعشة فى العين و الهرش سواء بقى الهرش ورا الودن –ما بين القفا و الرقبة كدة- او الهرش فى الشعراو الضحك فجأة بدون مبرر, يعني المهم يبقى فيه حركة مستمرة يعملها الممثل ،فا لو بتعمل حاجة منهم يبقى خالى بالك على نفسك بقى.
Dicaprio كسر كل الانماط دي فى تقديم دور المريض النفسي فقدر و هو- اندرو ليديس- و دي شخصية مركبة جدًا لانه اصلا مش معترف انه مريض نفسى و اختلق لنفسه شخصية تانية باسم تاني. فى مشهد ال lighthouse اللى بيصارح فيه كاولى-Ben Kingsleyو شيهان-Mark Ruffalo-اندرو بالحقيقة قدر Dicaprioانه يظهر ال inner conflict للشخصية  و هى فكرة التخبط بين الواقع و الوهم اللى صنعه لنفسه.

 

الدليل الخامس و الاخير : The revenant (2015)-

dicaprio-the-revenant-04dec15-01

 

الحقيقة انا معرفتش احدد مشهد واحد عشان اكلم عنه فى الفيلم ده و ده لان فى اكتر من مشهد يستحقوا الملاحظة و السبب فى ده يرجع بأن الفيلم  بينتمى لنوعية الافلام اللى الصراع الاساسى فيها هو صراع ال protagonist مع الطبيعة زي فيلم castaway ل توم هانكس و ببيقى الغرض الاساسى للبطل طول الفيلم هو النجاة. النوع ده من الافلام بيعتمد على الاداء المنفرد للممثل و هنا بتبان قدرة الممثل على تخيل كل احداث الفيلم فى دماغة عشان يقدر يوصل الاحساس المناسب للمتفرج.بمساعدة المخرج Alejandro Gonzalezومدير التصوير Emmanuel Lubezki اترسم الصراع بشكل طبيعى جدًا و نجح Dicaprio اللي بيقوم بدور hugh glass فى توصيل الاحساس المناسب سواء مشهد هجوم الدبة علية او اكله للحمة نية او اخراج احشاء الحصان و الاحتواء بداخله بدل الاحشاء بسبب وجود عاصفة جيلدية .بجانب صراعه مع الطبيعة اللى كان الغرض منه مش بس النجاة ولكن الانتقام من antagonist بتاعه و هوJohn Fitzgeraldاللى عمل دوره توم هاردي و ده بسبب انه قتل ابنه و ساب جلاس بين الحياة و الموت.يمكن يكون الفيلم  ده مش احسن حاجة قدمها  ديكابريو ولكنها تجرية اثبتت النضج الكامل ليه كممثل.
كدة الادلة انتهت و مرافعتى خلصت و لكن انا متأكدة ان حكم سيادتكم هيكون عادل بخصوص موكلي و هتكونوا شايفين فيه العبقرية اللى انا شايفاها و بالمناسبة the revenant  معناه بالعربي العائد و خصوصا العائد من الموت و الراجل ده كان بيموت كل مرة و هو بيشوف اسمه كل سنة من ضمن ال nominees وبيرجع قفاه يأمر عيش فأعتقد السنة دي هو راجع ياخد حقه زى hugh glass.