منى المتيم

مانقدرش نقول أن العلاقة  بين الزمايل في الشغل علاقات رسمية بحتة ، بس على الأقل هي علاقة محدودة  بيحكمها إطار رسمي اسمه ” مصلحة الشغل  “ ، ولكن ده ما يمنعش ابداً أن زميلك في الشغل ممكن يحس بمشاعر حلوة من ناحيتك – حتى ولو كان ده بينه وبين نفسه .

بس حتى في الحالات دي ، ديماً المشاعر دي  بيفضح صاحبها ، وتلاقي أي تصرف بيعمله حواليه  100 علامات استفهام .

النهارده هنقولك على العلامات التي تعرفي بيها أن زميلك في الشغل بيكراش عليكي أو معجب بيكي

النظرات اللي من تحت لتحت :  

ديماً تلاقي الشخص اللي بيحب أو المعجب ، بيحاول يسرق النظرات للشخص اللي بيحبه ، فممكن جداً تكوني مش واخدة بالك أو بتتكلمي مع حد تاني ، وتلاقي فجأة عيون بتتأملك ، وجواها نظرة إعجاب خبيثه بتحاول تستخبى

ديما بيقولك كلام حلو :

ومقصدش بكلام حلو هنا كلام الحب اللي كلنا عارفينه  يعني ، لا ..  خالص ، اللي اقصده أنه ديماً تلاقيه بيمدح في طريقة لبسك أو في شغلك .. وطبعاً في طريقة  تفكيرك ، عشان يثبتلك أنه بيهتم بالجوهر أكتر من الشكل ، وانه راجل عميق زي ما بيقولوا

بيحاول يساعدك  :

ديماً هتلاقيه بيحاول يسرق الفرص عشان يساعدك  في أي حاجة ، سواء في شغلك او في اي حاجة تانية ، ديماً هتلاقيه بيحاول يحسسك أنه قد المسئوليه ، وده لأن معظم البنات بتحب تحس أن الراجل اللي في حياتها هو السند والطهر، مش زي أي شخص عادي .

بيحاول يعرفك كتر :  

وهنا بقى ، هتلاقيه دايمًا بيحاول يوصل للجزء الشخصي في حياتك ، زي ما تقولي كده صندوق أسرارك ، اللي مكتوب عليه  ” ممنوع الاقتراب او التصوير ”  وطبعاً الراجل مابيعملش كده إلا إذا كان-  فعلاً – جواه مشاعر للبنت اللي قدامه.

ديماً بيسأل عليكي :  

كمان هتلاقيه أول واحد يسأل عليكي لو – لاقدر الله –  حصلك حاجة وحشة ، وبيحاول بيعدك عن اللي بيضايقك ، وطبعاً هو بيستغل الفرصه دي عشان يكون جنبك أطول وقت ممكن .

بيحاول يلفت انتباهك بأي طريقة :  

كمان هتلاقيه بيحاول يلفت انتباهك بأي طريقة ، ممكن تلاقيه بيضحك بصوت عالِ أو بيتكلم بصوت عالِ ، وهتلاقيه بيحاول ديماً يخليكي تضحكي – حتى لو كان ده ممكن يسبب له الإحراج – بس في الآخر هو عاوز يشوف ضحكتك  .

بيفتح بؤه وهو بيكلمك :

ده بجد مش هزار ، وعلى فكرة ده مش كلامي ، ده كلام علم النفس ، واللي بيأكد أن الراجل لما بيعجب ببنت، تلقائياً ، بيفتح بؤه شويه وهو بيكلمها أو بيبص في عيناها بشكل لا ارادي ، زي ما بنقول بننا وبين بعض  ” بيــتنح ”

 

بيحب يسمعك :

ديماً الراجل المعجب ، بيحب يسمع للبنت اللي معجب بيها – حتى لو بتقول أي كلام – مجرد وجوده جنبها بيحسسه انه مطمن ، مع أنه عارف كويس أووي أن هو اللي مفروض يحميها ، بس هي بردوا مصدر للأمان والسعادة بالنسباله .

Image processed by CodeCarvings Piczard ### FREE Community Edition ### on 2015-07-11 11:12:01Z | |