لو سألت أي شاب مصري من كام سنة كدة عن إيه هي مواصفات فتاة أحلامه .. هيقولك أنها تكون حلوة أو متدينة أو أخلاقها كويس أو من عيلة محترمة أو ناجحة في شغلها .. إلخ من المواصفات التقليدية اللي أي شاب نفسه تكون موجود في فتاة أحلامه.
الوضع اتغير تماماً دلوقتي يا برايز .. لو سألت أي شاب دلوقتي عن مواصفات فتاة أحلامه هيقولك حاجات مختلفة تماماً عن اللي أنا قولتها فوق .. أو على الأقل هيضيف عليهم الحاجات اللي أنا هكلمكم عنها دلوقتي.
طبعاً أنا مش بقول أن المواصفات دي هي أهم حاجة .. بس المواصفات دي لو موجودة أو حتى بعضها .. بجانب المواصفات الأساسية اللي بدأت بيها كلامي .. يبقى أنت لقيت “سوبر وومان” يا معلم وأمك كانت داعيلك في ليلة القدر والدعوة استجابت.
ما تيجوا نشوف

 

  • بتحب الكورة

شيماء-صابر-2
أو على الأقل بتفهم فيها .. على أساس أنها لو قررت في مرة تتفرج معاك على ماتش للمنتخب مثلاً متقعدش تقرفك بأسئلة من نوعية إحنا السود ولا البيض .. أما بقى لو بتحب الكورة فده موضوع تاني .. مش هيبقى فيه أي مشكلة لو في ماتش في نفس معاد المسلسل التركي اللي ما بيلخصش .. وممكن تعملوا ستوديو تحليلي بعد الماتش أجدع من بتاع الكابتن مدحت.
  • بتعرف تلعب بلاي ستيشن

1
مش لازم تكون بتعرف تلعب FIFA و PES  تحديداً يعني بما إن 99% من الشباب المصري بيلعبوها .. بس بتكون تعرف تلعب أي لعبة ينفع تتلعب باتنين .. ودي هتبقى حاجة ممتعة أوي في الجواز .. وهتديكم أفكار حلوة زي مثلاً الخسران في اللعبة هو اللي ينضف البيت.
  • حافظة إفيهات الأفلام

2
مش هسمع لها الفيلم يعني .. بس لازم تكون قاطعة على الإفيهات المعروفة والمشهورة واللي أي شاب مصري بيستخدمها سواء في الهزار أو في الـ flirting من وقت للتاني .. مش تقول الإفيه ويبقى مطلوب منك كمان أنك تشرحه.
  • بتلعب رياضة

3
الsquats  وما أدراك ما ال squats .. مش لازم تكون لاجئة في الجيم .. بس تكون بتمارس أي نوع من أنواع المجهود البدني اللي يخليها تحافظ على جسمها ومتضربش من الجناب وتبقى زي الكرنبة.
  • ذوقكم واحد في الأفلام والموسيقى

5
ده شيء بيوفر على أي شاب مجهود كبير في أنه يقنعها بالموسيقى اللي بيحبها وبنوعية الأفلام اللي بيحبها .. وبيعمل نوع من التوافق صعب تلاقيه في أي اتنين ذوقهم مختلف عن بعض.