السناكس هى وجبات صغيرة تكون بين الوجبات الأساسية الفطار والغذاء والعشاء وتكون قليله السعرات حتى لاتسبب زيادة فى الوزن  وتعبتر من الوجبات المهمة ولاتقل أهمية عن الوجبات الرئيسية وخصوصا للأشخاص الذين يحبون الطعام أو الذين يتبعون نظام غذائى للرجيم  وأيضا للأشخاص الذين يعملون لعدد ساعات طويلة فهم فى أشد الحاجة لهذه الوجبات لتمنحهم الطاقة لمواصلة العمل..
هنقولك هنا على أفكار خفيفه وسريعة جدا وصحيه فى نفس الوقت تقدرى كمان تاخدبها معاكى فى الشنطة  وانتى خارجة او رايحة الشغل أو لوحسيتى بالجوع قبل ميعاد الوجبات الأساسية أو فى اى وقت من اليوم وكمان ينفع تكون  فطار أوعشاء خفيف

1-الزبادى بالشوفان :

زبادى
قرفة
بذركتان
مكسرات أوزبيب
شوفان
عسل أبيض
موز أو اى انواع فاكهة بتفضليها .
تجيبى بقى طبق واسع لو هتاكليه فى البيت كفطار أوعشاء خفيف  بين الوجبات أو برطمان اوعلبة صغيرة لو حابه تاخديه معاكى الشغل او اى مكان وتحطى فيها كل المقادير ديه على بعض وانتى تكترى تقللى منها براحتك ؛تشيلى حاجة وتحطى حاجة مكان حاجة زاى مابتحبى .

2-مهلبيه البطاطا :


المقادير:
2ثمرة بطاطا
كوب لبن
نص معلقة كبيرة نشا
سكر حسب الرغبة
فانيليا
جوزهند ومكسرات
الطريقة بقى سهلة جدا هتشوى البطاطا او تسلقيها براحتك وبعدين نضربها مع اللبن والنشا والسكر فى الخلاط ونرفعها على النار ونضيف الفانيليا ونقلب لحد اما تتقل ونصبها فى كاسات او اطباق ونرش عليها جوز الهند والمكسرات

3-شوفان بالموز:


المقادير :
نصف كوب شوفان
نصف كوب لبن
موز مقطع
3معالق كبيرة زبيب
4فصوص عين جمل
2 تين مجفف
الطريقة:
نخلط الشوفان مع اللبن ونضعه على نار متوسطة ونضيف الموز والزبيب والجوز والتين ونتركه على نار هادئة ونغطيه ونتركه لمده دقيقتين فقط ونرفعه عن النار ويقدم بارد او ساخن.

4-بطاطس فى الفرن بالتوابل القوية :


البطاطس المليئة بالكربوهيدرات التى تمد الجسم بالطاقة التى يحتاجها بس لازم تتعمل بالطريقة اللى تخليها مفيدة للجسم بدل ماتصبح ضارة ومسببة للسمنة
هتجيبى البطاطس تقشريها  وتقطعيها  صوابع سميكة شوية وتسلقيها نص سلقة وبعدين تجيبى صنية وتدهينيها بقليل من زيت الزيتون أو ورق الزبده عشان البطاطس ماتلزقش فى الصنية, وبعدين تفردى البطاطس فى الصينية وعليها رشة زيت زيتون ورشة خفيفة ملح وفلفل ونيجى بقى للتبيل عندك أختيارات كتير حسب ذوقك الشخصى ممكن ترشى عليها زعتر وتبقى بطاطس بالزعتر أو ترشى عليها روز مارى وتبقى صنينة بطاطس بالروز مارى أو تتبليها بالبابربكا أو بالكركم او بالكارى أو زعتر وبابريكا مع بعض حسب ماتحبى, خلاص بقى تبلتيها بتتبلتك المفضلة على الفرن بقى فى الرف المتوسط ودرجة حرارة عاليه وتكونى طبعا مسخنه الفرن قبلها, وربع ساعة والبطاطس هتقرمش وبالهنا وبصحة دائمة .

5- أفوكادو ولوز:

يحتوى الأفاكادو على العديد من المركبات الغذائية الهامة جدا فيحتوى على الدهون  والبروتينات والألياف والفيتامينات والزنك والحديد والمغنسيوم فيعتبر الأفوكادو من الفواكة مثاليه جدا للجسم
ديما الأفوكادو بيتشرب كعصير فقط , فهنحاول نجرب نعمله بطريقة مختلفة  عن العصير مع بعض الأضافات البسيطة
المقادير:
ثمرة أفوكادو
كوب لوز
ثلاث معالق كبار عسل أبيض
اثنين بسكوت دايجستف  او بسكوت الشوفان
رشة قرفة
الطريقة:
هنقطع الأفوكادو من النصف ونخليها بالقشرة ,ونحمص اللوز نكسر البسكوت ونضعهم فى منتصف الأفاكادو ونضع عليهم العسل ورشة القرفة .

6-كنافة بالمانجا صحية ودايت:

أحيانا بيبقى نفسنا يكون الاكل حاجة حلوة وخفيفة فى نفس الوقت لأن الجسم بيحتاج للسكريات بس الفكره انك تديله سكريات مضره ولامفيدة ومع انتشار الكنافة بالمانجا مؤخرا فهنقولك على طريقة ليها بس صحية ولايت أكتر ولذيذة وسريعة جداا .
المقادير:
ربع كيلو كنافة
3معالق عسل أبيض
زبادى
فانيليا
سكر بنى
مانجا مقطعة
الطريقة هنحمص الكنافة فى الفرن ونطلعها نقلبها بالعسل نجيب صينية نحط فيها راق كنافة وعليه راق ماتجا وعليه راق كنافة وعليه الزبادى المخلوطة بالسكر البنى والفانيليا وعليها باقى الكنافة وأضغطى عليها بالرحة وعلى الوش هتحطى المانجا المتقطعة وسيبها فى الثلاجة 3ساعات تجمد وقديمها .

7- شوربة القرنبيط بالجبنة الشيدر:

الشوربه من الحاجات المهمة لحرق الدهون وتخليص الجسم من السموم وهى من أفضل الوجبات الصحية على الأطلاق
المقادير:
راس قرنبيط 400جرام تقريبا
ثمرة جزر
ثمرة بصل
ثمرة كوسة
نص كوب كريمة
نصف كوب جبنة شيدر مبشورة
شوربه خاليه الدسم أو ميه
2فص ثوم وملح وفلفل وكمون ورشة جوز الطيب وبقدونس للتزيين
الطريقة:
هنغسل القرنبيط  والخضار ونقطعه ونضعه فى حلة وعليه المياه أو الشوربة خالية الدسم لحد لما يستوى ونضيف عليه التوابل الملح والفلفل والكمون ورشة جوز الطيب وبعدين نضربه فى الخلاط وبعدين نضيف الكريمة والجبنة  ونضربه تانى ونغرفه فى الأطباق ونزينة  بالجبنة المبشورة والبقدونس .

8-محشى التفاح:

المقادير:
أربع حبات من التفاح الأصفر
2معلقة زبدة طريه
نص كوب سكر بنى
رشة حبهان وقرفة وجوز الطيب
نصف كوب لوز مفروم خشن
نصف كوب تين مجفف مقطع خشن
نصف كوب من الجوز المقطع خشن
نصف كوب من الفواكه المجفف
عصير نص برتقاله
الطريقة:
أولا نسخن الفرن على درجة حرارة 180
نغسل التفاح ونجففه نزيل الجزء المتوسط من التفاح (قلب التفاحة) ونغمسها فى السكر البنى من جميع الأتجاهات
فى طبق عمبق نضع التين الفواكه المجففه و الجوز واللوز والقرفة والحبهان ورشة جوز الطيب وعصير البرتقال وباقى السكر والزبدة ونقلب الخليط ونحشى بيه التفاح نضع التفاحات في صينية مدهونه زبده او زيت نضع على كل تفاحة قطعة من الزبده ثم نضع الصينية فى الفرن لمده 40 دقيقة او لحد اما التفاح يستوى ويبقى طرى.

 

9- سلطة الشمر والبرتقال والزيتون

السلطة سوء كانت سلطة خضروات أو فاكهة هى من أهم الأكلات اللى تحصل منها على كل الفيتامينات اللى الجسم محتاجها فهى منجم للفيتامنيات وبتساعد فى تحسين عملية الهضم وايضا على التخسيس وحرق الدهون وتحتوى على الألياف اللى بتحسسك بالشبع لفترات طويلة ده غير انها بتنظم مستوى السكر فى الدم وتحضرها من أسهل وامتع الحاجات بس كلنا زهقنا من السلطة التقليدية ومش هنفع نهملها لأنها سناك مهم  فنهقولكم انهارده على سلطة بطريقة جديدة شوية
المقادير:
 ثلاث ثمرات برتقال؛ وحزمة جرجير؛وخس مشكل, وورق نعناع ؛و2عدد شمر؛وعدد واحد بصله حمراء؛وثلاث معالق كبيرة خل بلسمى؛ وثلاث معالق كبيرة زيت زيتون؛ ونصف كوب زيتون مخلى ومقطع خشن؛عصير ليمون, بقدونس,  وملح وفلفل  وربع كوب لوز أختيارى
الطريقة:
نقشر البرتقال ونشيل منه اللب الأبيض ويقطع ألى أرباع وشرائح ثم يرص فى طبق التقديم
نقطع الخس والجرجير والبصل والشمر مع أوراق النعناع ونضفهم على البرتقال وفى طبق أخر نخلط التتبيلة الخل والزيت والليمون والملح والفلفل والزيتون والبقدونس ويقلبوا  ويصبوا الخليط على السلطة ويقلبوا معا جيدا حتى تغلفها تماما ويحمص اللوز ويفرم ويضع على الوجه.

 

10-الجبنة مع الفلفل الأحمر والبصل الأخضر

المقادير :
جبنة بيضه  أى نوع تحبيه والأفضل فى الوصفه ديه الجبنة الفيتا أو الجبنة المطبوخة
فلفل أحمر حلو
زيت زيتون
صلصلة فلفل حار
رشة شطة 
بصل أخضر جزء مقطع شرائح رفيعة وجزء مقطع صغير
الطريقة:
يقطع الفلفل الأحمر ثم نضعه فى الكبه مع زيت الزيتون ويخلط حتى ينعم ويضع فى طبق التقديم ويخلط مع الجبنة والبصل المقطع صغير اسكبى عليهم صلصه الفلفل الحار والبصل الشرائح على الوجه وقليل من زيت الزيتون ورشة شطة خفيفة وقديمه مع أصابع الخيار والجزر والكرفس  وشرائح الطماطم والفلفل الألوان وبالهنا.

 

دول شوية وصفات سريعة هتفيدك ومش هتتعبك …لو انت عندك وصفاتك الخاصة …شاركينا بيها .