التفاصيل اليومية الصغيرة كفيلة إنها تظهرلنا مدى غلاوتنا عند الأشخاص اللي بنحبهم، إحنا بس اللي ساعات كتير قوي مبنحبش نواجه الحقيقة وبنفضل إننا نعمل مش واخدين بالنا بس عشان منخسرش الناس اللي بنحبهم، لكن في نفس الوقت التفاصيل دي مهمة جداً لإنها ممكن تكون سبب في تدميرنا لو ملحقناش نفسنا وهربنا بدري بدري، لإن ساعتها بنكون اتعلقنا بزيادة والموضوع بقى أصعب علينا، وعشان كدة قررنا انهاردة نقولكوا على العلامات اللي بتأكد إن حبيبك وشريك حياتكم مبقاش بيحبك، ياريت متتجاهليش العلامات دي وركزي معاها..

1-بطل يعبرلك عن حبه

taking-a-break

لو لاحظت أن شريك حياتك بطل يهتم بيكي ويقولك كلام حلو ويعبرلك عن حبه يبقى أكيد في حاجة غلط، يمكن يكون طبعه كدة، لكن يمكن برضه يكون بطل يحبك، عشان كدة ركزي كويس في إنك تعرفي الفرق بين الاتنين.

2-دايماً بيفكر في حاجات تانية

unhappy-relationship

دي علامة سهل جداً تلاحظيها، هتلاقيه دايماً وهو قاعد معاكي سرحان وبيفكر في حاجات تانية ومش مركز معاكي خالص ولا حاسس بوجودك، وده معناه حاجة واحدة بس وهي إنك مبقيتيش تشغليله باله وأكيد مبقاش بيحبك زي الأول.

3-مفيش مواضيع تتكلموا فيها

angry-couple-sitting-on-sofa-together

لما يبطل يناقشك في الحاجات اللي بيفكر فيها ويبطل يشارك اهتماماته وتبقوا قاعدين مع بعض مش لاقيين مواضيع تتكلموا فيها يبقى أكيد بطل يحبك، ده الموضوع بكل بساطة.

4-بيلومك انتي في كل حاجة

takingabreak-main

لما تلاقيه دايماً بيرمي اللوم عليكي في كل حاجة بتحصل، اعرفي إن في حاجة غلط، ومالهاش غير تفسيرين اتنين، يا إما بطل يحبك، يا إما دخلت حياته واحدة تانية، وفي الحالتين طبعاً لازم تسيبيه وانت الكسبانة.

5-بطل يدعمك

images

دعم حبيبك ليكي يعتبر حاجة من أهم الحاجات اللي بتأثر في نجاح أو فشل العلاقة، لو لقيتيه بطل يدعمك ويزود ثقتك بنفسك تبقى خلصت كدة، وفي الحالة دي لازم تعرفي إنك تستاهلي حد احسن يقدرك ويقدر قيمتك.

6-بيتلكك دايماً عشان ينزل من البيت

unhappy-woman-thinking-about-relationship

لما يبدأ يدور على أي تلكيكة عشان ينزل ويسيب البيت، يبقى أكيد بطل يحبك وبدأ يلاقي راحته في حتة تانية، انا قلتلك وانتي حرة بقى اعملي اللي تشوفيه صح..

7-مبقيتيش ضمن مخططاته

taking-a-break-in-a-relationship-couple-divided-by-wall

بطل ياخدك يخرجك ويعملك مفاجأت؟ طب بطل يفتكر عيد ميلادك والفلانتين وباقي المناسبات المهمة دي؟ احب ابشرك يا حبيبتي ان حبيبك مبقاش بيحبك أو بمعنى اصح مبقيتيش فارقة معاه ولا بقى بقى همه يكسب رضاكي.

8-مش بيفتكرلك غير الوحش

break-in-relationships-1024x680

لما حبيبك ينسالك كل الحاجت الكويسة اللي عملتيها واللحظات الجميلة اللي عيشتوها سوى ويبدأ يفتكرلك بس الحاجات الوحشة والمواقف اللي ضايقته، يبقى من الأفضل إنك تحطي حد للموضوع ده.

9-بطل يبررلك تصرفاته

461260128

أول ما تلاقيه بطل يبررلك تصرفاته أو يفسرلك أي حاجة بيعملها، يبقى ببساطة مبقيتيش فارقة معاه ولا بقى بيحبك زي ما كان بيحبك زمان.

10-لو كرهتي نفسك وانتي معاه

fotolia_60925669_subscription_monthly_m

بالنسبالي بقى دي تعتبر أهم نقطة، لو حبيبك خلاكي تكرهي نفسك وأنتي معاه وتبطلي تحبيها من كتر ما بيكدب عليكي وبيجرحك وبتلاقي نفسك وانتي معاه مضطرة تيجي على نفسك وعلى كرامتك يبقى أكيد مبيحبكيش ولازم تسيبيه فوراً من غير أي تفكير.