23 كلمة عامية.. قبل ما تنطقها أعرف أصلها

كثير من الكلمات اللى بنرددها  ولانعرف أصلها ولافصلها وهل هى عربية في الأصل ام أعجمية وكلام كتير، رايح جاي علينا، مفكرناش مرة، هو دا جه منين، هتفرق طبعا اننا نعرف اصل الكلمة، هيبقي ليها معني اكبر واحسن لو نطقنا واحنا عارفين اصلها، بدل ما نعيش زي طور الله في برسيمه، إلا بصحيح هو ايه اصل المثل دا

طور الله في برسيمه:

أصلها ثور لاه في برسيمه بمعنى ملهى و مشغول فيه أى  مشغول بالبرسيم والأكل؛ ثم تحرف لـ (طور الله في برسيمه)  وأصبح مثل يقال  للشخص إللي مش عاوز يفهم ولا يقتنع؛ المثل دا كان مستحيل نحبه واحنا مش عارفين اصله، بس معلش ادينا عرفنا، انا قولت “معلش” طب “معلش” دي اصلها ايه؟

معلش..

أصلها ما عليه شيء وتم تحريفها لمعلش وقيل ان  اصل استخدمها كان للقاضى عندما يحصل شخص على البراءة فيقول(ما عليه شئ )وقيل ايضا انها كانت تقال للمجنون أوالسفيه ماعليه شئ أى (معلهوش عتاب )ومع مرور الوقت فقدت معناها واصبحت تعبير عن  الأٍسف .

امبو.. مم  :

كلمتين يرجع عمرهم لسبع آلاف سنة  فكلمة “امبو ” أصلها فرعوني هى كلمة هيروغليفية ماخوذة من كلمة ( امبموا ) القبطية بمعنى اشرب ..  و”مم”  كلمة أصلها  مأخوذ عن القبطية “موط والهيروغليفية “أونم” بمعنى “كل”

 أجزاخانة :

كلمة عربية فارسية فهى تنقسم الى جزئين (أجزاء) وديه كلمة عربية و(خانة )وهى فارسية وتعنى البيت او الدكان  أى بيت الدواء.

أتوبيس..

كلمة غربية “أجنبية” تعنى السيارة الكبيرة او سيارة الخدمة العامة

 طز..

 كلمة (طز) هى كلمة  تركية  وتعنى  “الملح” ولأن الملح رخيص الثمن؛ فأصبح يقال على اى شئ  تافة “طز” أو للتعبير عن اللامبالاة

روبابيكيا:

كلمة أصلها ايطالى وهى تحريف بسيط لكمة كراكيب والمقصود بها الاشياء القديمه  التى لا نستعملها  والمستغنى عنها .

يا خراشى:
 يرجع عمرهذه الكلمة  لألف سنة في عهد الدولة الفاطمية , وأصل هذه الكلمة تنبع من أن أول شيخ للأزهر كان يسمى بالشيخ محمد الخراشي؛ و كانوا ينادوه اذا وقع ظلم او حين تحدث مصيبة يقولون : يا خراشي

بزرميط:

 كلمة فرنسية “pizzar  ” تعنى “غير متناسق”

 كراكون:

هى كلمة  أصلها تركى (قراغول) karakol

  وتم تحريفها لتصبح “كراكون ” وتعني مركز  الشرطة

البعبع:

لفظ قبطي “بوبو”  وهو اسم عفريت مصري مستخدم في تخويف الأطفال

 ويقال ايضا  ان أصلها من «Boogyman»  أو بوغيس أو «Buganese»

القراصنة والبحارة الذين يقومون بخطف السفن وايضا  بمعنى الأشباح، وهى كلمة مشهورة في كثير من دول العالم وتسخدم بكثرة في أوربا واندونيسيا ومصر؛ وتحولت لاحقا لبعبع ومعناها في اللغة العربية وقاموس المعانى صُورَةٌ خَيالِيَّةٌ لِحَيَوانٍ مُرْعِبٍ مثل الغول.

اهبل.. عبيط .. تنح 

ثلاث كلمات متداولة يوميا تقريبا يرجع أصلهم لثلاث لغات مختلفة من حضارات متنوعة فالكلمة الأولى: يونانية مأخوذة من من كلمة “هابلوس” و معناها ساذج، والثانية: فرعونية مكونه من كلمتين  عا و بيت، “عا” تعنى حمار، و”بيت” تعنى شخصية، أى حمار الشخصية، والثالثة: قبطية:مأخوذة من (تناهو) ومعناها يستحى او يخجل.

 أونطجي:

هى كلمة تركية الأصل وتعنى “كذاب” وتطلق على الشخص الذى لايقول الحقيقة دئما

فهلوى:

كلمة يونانية مأخوذة من “أفنطة”و معناها الحيلة

وأيضا كلمة فهلوة  مشتقة من كلمة فارسية وهي “بهلوي” و تطلق على من يتميّز بالشجاعة وسعة الحيلة..

مرمطون:

كلمة فرعونية أصلها “مارماتا ” وتعنى الألم والوجع وانحرفت قليلا الى مرمطون  لتصف الشخص الذى يعانى من بهدلة

 يالهوى\يالهوتى:

 هى كلمة بتعبر عن الندم اصلها بقى كان فى قرية ريفية من زمان كان فيه راجل دجال اسمه (لهوى) ولما تحصل اى حاجة او اى مصيبه  كانوا بيجروا عليه ويقولوله الحقنا يا لهوى ومن سعتها وبقى لما تقع فى اى نصيبه او اى حاجه بنقول يا لهوى.

بلطجي:

الكلمة تركية، و تتكون من مقطعين: “بلطة” و”جي”؛ أي حامل البلطة، و”البلطة” هي الفأس او الأداة الحادة المستخدمة لقطع الأشجار وتكسير الحطب وتعني العنف والقسوة والشدة

ياليل يا عين:

الجملة اللى بتتغنى  ديما في معظم الأغانى أصلها فرعونى ليل بالفرعونى معناها الفرح .. ومعنى الجملة اللى بيغنيها الفراعنة وورثناها عنهم ” افرحى ياعين ” لما ترينه.

صهد:
 كلمة أصلها قبطى وتعنى النار.

رجيم:

أصلها كلمة فرنسية والمرادف العربى ليها “حمية”

شنطة:

كلمة تركية أصلها (جنطه) أى حقيبة.

دوغرى:

 كلمة عثمانية الأصل .. اي امشي مستقيم.

ستّ:

كلمة فرعونية الأصل ، معناها امرأة.

لو تعرف كلمات تانية اصولها غريبة ابعتلنا وقولنا عليها .