الطريق الي البيت  بالنسبة للعريس وبالذات اليومين دول بدأ يبقى مهمة صعبة، في الطبيعي اصلا لما بتروحي لأهلك وتقولي لهم ان حد تبعك انتي وانك موافقة عليه وعايز يجي يتجوزك، الاضاءة في الاوضة بتتحول أحمر وابوكي بيشوفك واقفه بترقصي له وبيطلع من ودن مامتك دخان، لازم تحاولي تتصرفي بحيلة شوية عشان تتجنبي انتي وحبيبك مآسي كتير اوي ممكن تحصلكم…اهلك فالاغلب مقتنعين ان اختياراتك دايما غلط مهما كان مقدار ثقافتك او تعليمك …
  • مخدوش يا بابا

hqdefault

في البداية إختاري الكائن الرويتر في البيت واحكي له إن في شاب بيحبك وهو كويس جدا و كل حاجة بس انتي مش مرتاحة للموضوع إلي جانب انك اصلا مش بتفكري في الجواز من الأساس، طبعا الكائن الرويتر هيبلغ ابوكي وامك،ولو مفيش رويتر وصلي لهم المعلومة باي طريقة تانية غير مباشرة، واول ما اهلك هيلاقوكي رافضاه  هيتحمسوا له بدون سبب مقنع، وكل ما يجوا يكلموكي عنه قوليلهم الاسباب اللي انتي شاكه ان ممكن يرفضوه عشانها على اساس انها اسباب رفضك وهتلاقيهم هما اللي بيبرروا له.. True Story
  • إعطني 6 حبات

805116137

بعد ما تعدي مرحلة الرفض المصطنع، ما تطوليش فيها عشان ماتبقيش fake، قوليلهم على مضض انك ماشي هتيدي له فرصة، وكل فترة كده ارجع لهم بهدية اوفر – معلش استحملي- على اساس ان هو اللي جيبهالك، واعملي انها مش عجباكي، هتلاقيهم عمالين يقولوا عليكي مفترية وان الواد ده شكله ابن حلال والله وكريم وقلبه طيب.
  • انا مبفكرش في الجواز

577

خليكي شوية عاملة موافقة عليه، وشوية تانيين تقلب معاكي انا مش عايزة اتجوز اساسا واتجوز ليه، فده هيخلي احساس جواهم ان العريس ده انقاذ من فكرة انك تفضلي قاعدة لهم في البيت باقي العمر، لأنك لو بينتي انك انتي اللي ملهوفة على الجواز، هيعلموكي بوستر في اوضة الصالون وهيطفشولك الواد.
  • موافقة خرافية

d9b5c77d5e057b363813d0c8b5a3fcda

ارجعي احكي في البيت عن مواقف خرافية بيعملها معاكي، ولازم تكون كل الحكايات بتدل على الكرم والشجاعة والرجولة والشهامة وكل حاجة في الدنيا، انفخي فيه جامد يعني، بس بلاش تبقى بتحكي الحاجات دي بفخر، يعني مثلا لو هتحكي موقف على اد ايه هو راجل، احكي وانتي مضايقك انه بيتحكم فيكي اوقات وان ده معصبك ومش عاجبك انه بيقولك كده فهتلاقي باباكي حبه جدا واعتبره ابنه من قبل ما يشوفه..اغلب الرجالة – الا من رحم ربي – يعزوا التحكمات زي عينهم حتي بابا .
بعد ما تنفذي الخطة دي بصبر وهدوء، لدرجة انك توصليهم انهم هما اللي يسألوكي عنه، ولما يقولوا اسمه كده اعملي كأنك مش فاكرة مين ده، هتلاقيهم بيقولوا لك مش هنتعرف عليه بقى، وساعتها لما هيجي البيت محدش منهم يقدر يجي يطلع لك فيه القطط الفاطسة عشان انتي اللي طلعتيها اساسا وهما اللي دافعوا عنه من البداية
  • Hekmat Reyad

    انتو دمااغ اقسم بالله 😂😂😂😂