منى المتيم
أوقات كتير بنستغرب إزاي علاقة انهيت بكل سهولة كدة على الرغم من قصة الحب الجامدة وروميو اللي كان بيجي تحت البلكونه عند جوليت بس عشان يشوفها .
وفي أغلب الاوقات بيجي التفسير المصري الخارق واللي ناس كتير بتصدقه، ” أكيد اتحسدوووووا ” ايووون … عيون الناس وحشه !!
لو فرضنا ان ده ممكن يكون من ضمن الأسباب ، بردوا في أسباب تانية ممكن تخلي الراجل ينهي العلاقة بسهولة رغم أنه بيحب البنت اللي معاه ، حاجات كدة زي ما بيقولوا كده بتخلي الراجل يقفل من البنت اللي معاه .
النهارده هنفكولكم أيه هيا الحاجات دي :
البنت اللي ديماً بتطلب الاهتمام المالبغ فيه :
يعني أنت ليه مابتكلمنيش كل شوية ؟! .. هو أنا موش وحشتك ؟ أنت مابقتش تحبي زي الأول !؟ .. هو أنت مش بقيت بتشوفني حلوة ؟
أسئلة عجيبة وتصرفات أغرب بتخلي الراجل يقع في دوامة ” الابتزاز العاطفي ” في الأول هيحاول يرضيكي ، بس أنسي أن الاسلوب ده يستمر ، بمرور الوقت هيحس انه زهق ومابقاش عاوز يكمل ، باختصار عاوز يخلص من كلام مطلوبه منه انه يقوله طول الوقت – حتى لو هو موش عاوز.
البنت
البنت اللي بتقف ساعتين قدام المرايا عشان تحتار حاجة تخرج بيها ، وفي الآخر تقولك موش مقتنعه ، ديماً مستنية الراجل هو اللي يأخدلها قراراتها ، حتى لو كان القرار ده هو لون الروج اللي هاتحطه وهي خارجه
ديماً النوعيات دي من البنات بتكون كابوس في حياة الراجل ، لان ببساطه هو نفسه محتاج حد يظبطله حياته ، حد يتسند عليه لما يكون تعبان، مش حد معتمد عليه كلياً حتى في أبسط الأمور.
البنت اللي عاملة فيها أبلة نظيره :
على الرغم من أن الراجل بيحب البنت اللي يتدلعه، إلا أن بنات كتير بتزودها حبتين ، وفي لحظة واحده بتتقمص دور أبلة نظيره اللي حاطة النظارة على مناخيرها وتبدأ تديله في نصايح .. نصايح …. نصايح … على رأي أحمد حلمي في فيلم بلبل حيران .. ” ده أنتي ناقص تغيريلي ” ☺☺
دي من الحاجات اللي بيضايق الراجل جداً ، بتحسسه أن البنت بتتعالى عليه ، ممكن جداً تخلي الراجل ينفر من البنت اللي قدامه ، مهما كانت عجباه .
البنت اللي ديما بتستشير صحابها في أمورها العاطفية :
ديماً البنات اللي من النوع ده بتكون مصدر ازعاج للرجل، لما بيشوف صحابها بيحس أنه عامل مصيبه …و يا سلام لو كانوا متخانقين كمان … نظرات شريرة بتحاوطه كأنها بتقوله ” ليلتك سودااااا ” ودي من الحاجات اللي بتقلقه وبتخليه يبعد جداً .. زي ما تقول كده .. اجررري يا مجددددي
وغير كده الراجل ديماً بينجذب للبنت اللى بتقدس العلاقة ، بيشوف فيها أنها هتكون أمينه على بيته واسراره ،