ايه في الدنيا أسوأ انك تقعد في البيت من غير شغل؟
الإجابة: إن القدر يضطرك  تشتغل مع الإكس بتاعك.. معروفة.
بتبقى حقيقي مأساة. سواء كانت العلاقة إنتهت وأنتوا علاقتكم كويس وبتضحكوا على نفسكم وقالين أنكم أصدقاء. أو لو العلاقة إنتهت بشتيمة وقلة أدب وإنتقام وكلاب ويلف وكده.. في الحالتين في حاجات كده كده هتحصل لو الظروف فرضت عليك تشتغل مع الـ Ex بتاعك والحاجات دي هي :
  • مش عايزين قلق في القعدة

198215

في الطبيعي اصلا وانت رايح أي شغل جديد بتبقى متوتر خلقة ويعلم بحالك ربنا. فتخيل بقى كمان إنك في أول يوم شغل هتلاقي في وشك  الشخص اللي عشت معاه قصة حب طويلة. وممكن جدا يكون عذبك وتعبك في حياتك وخلاك تنهار. أو الأسوأ انك تكون انت اللي كنت زبالة معاك فيبقى توتر وإحساس بالذنب وخدلك بتاع شهر على ما تعرف تركز في الشغل اساسا وطبيعي جداً التوتر ده هيطلع منك مواقف هبلة كتير جداً ومنه هو كمان.
  • منافسة غير شريفة

12345664_1069632876400319_4634751323231568183_n

طبعاً تبقى ساذجة/ ساذج لو تخيلت أن التوتر ده أكبر مشكلة. يؤسفني أني اقولك انه مجرد البداية. وخاصة لو كنت الطرف الظالم في العلاقة – على الاقل من وجهة نظر الطرف التاني- فأكيد هيبتدي يدبر لك مكايد. وعشان نكون أكثر صراحة مع بعض. كل حد اصلا بيخرج من علاقة بيكون شايف نفسه الضحية حتى لو كان هو سبب المصايب كلها. فلازم تكون مستعد لأول أسفين هيفقعوا فيك الإكس عشان ينتقم لقلبه ويشفى غليله
  • المؤامرة الكونية الكاملة

13744234_1714057995512358_1072288644_n

هيكون حظك سيء للغاية لو كان الإكس مش بس معاك في الشغل. لأ ده كمان مديرك. وفي الحالة دي أحب أقولك أن لو في أيدك انك تسيب الشغل وتروح شغل تاني يكون ارحم لك بكتير ياما هتشهد مشاهد وأحداث اغريقية أنت في غنى عنها ومن الاخر لازم تكون صريح مع نفسك انت مش في وضع يسمح ليك بالانتصار. انما بقى لو كان الشغل ده هو المتاح الوحيد بالنسبة بالنسبة. فكل يوم وانت خارج احضن امك وبوس اخوك الصغير وخليهم يدعوا لك .

 

  • ماتفرحش أوي

فيلم الستات 1

 أعتبر نفسك محظوظ لو الإكس مش شايل ولسه شايلك مشاعر حلوة لأن دي الحالة الوحيدة اللي ممكن تستمتع بالشغل شوية.. حيث البصات بقى والكلام اللي من تحت لتحت اللي محدش يفهمه غيركم. وهتحس كده أن الشغل بقى عبارة عن مغامرة لطيفة. بس يؤسفني اقولك بردو ان ده مش هيستمر كتير وهيقلب بنكد برضك.
أعتقد المشكلة هنا مش انك بتشتغل مع الإكس. المشكلة اننا – في مصر – لما بنيجي نخرج من علاقة عاطفية مش فاهمة السبب اللي بيدفعنا اننا نجرح في بعض قبل ما نمشي ومش بنعمل حساب ان تتلاقى الوشوش مرتين ابداً. وعشان ما تتحطش في هذا الموقف الصعب اللي اكيد ناس كتير اتحطت فيه. اخرج من العلاقة بشياكة