لو عايز علاقتك بمراتك تستمر وميدخلش فيها مشاكل كتير إنت في غنى عنها، لازم تعرف عزيزى الزوج إن في شوية أسرار كدة مينفعش تقولهم لمراتك ومن الأفضل تحتفظ بيهم لنفسك وهي عليها إنها تقدر ده وتحترمه وتديلك مساحة من الخصوصية عشان تقدروا تستمروا مع بعض وتحافظوا على البيت، وضمن الأسرار دي الخمسة الجايين دول..
1- حبك الأول وعلاقاتك القديمة
أول حاجة وأهم حاجة مينفعش تقولها لمراتك هي علاقاتك القديمة وخصوصاً حبك الأول، لإنها هتفضل طول الوقت بتقارن بين حبيبتك القديمة وبينها بشكل ممكن جداً يدمر علاقتكوا بالكامل، ده غير إنك لو كان عندك علاقات قديمة وحكيتها لمراتك هتلاقيها غصب عنها بدأت تشك فيك وفي تصرفاتك بشكل جنوني إنت في غنى عنه.
2- زميلاتك البنات فى الشغل
لو ليك زميلات بنات فى العمل، حاول على قد ما تقدر متعرفش مراتك، وده لإنها هتبدأ تغير جداً عليك وهتكره وجودك في الشغل، ده غير إنها هتفتحلك تحقيق في كل مرة تتأخر فيها ولو دقيقة في شغلك…طبعا النقطة دي ممكن متنطبقش علي كل الستات بس المعظم بيفكر كده .
3- رقم الـ”credit card“
الـ”credit card” بقى ده موضوع تاني خالص، لو اديت الباسورد بتاعته لمراتك يبقى اتخرب بيتك، لأن الستات مبتحبش حاجة في حياتها قد الشوبينج عمال على بطال، وبكدة تبقى اديت القط مفتاح الكرار، انا قلتلك وانت حر بقى.
4- باسورد الـ”فيسبوك” والموبايل
جينا بقى عند نقطة مهمة جداً وسر من أهم أسرارك اللي مينفعش مراتك تعرفهم، وده لإن الباسورد الخاص بالأكونت بتاعك على الفيسبوك أو باسورد موبايلك الاتنين لو مراتك عرفتهم حياتكوا هتتملي مشاكل وحوارات مش هتخلص منها، وطالاما في ثقة وتفاهم يبقى كل دي تفاصيل مالهاش لازمة.
5- مرتبك الحقيقى
