young mann cooks
أن تكون رجل سينجل و عايش لوحدك لازم تكون بطل حقيقي لأن بتقابلك كتير من المشاكل زي الوحدة و الملل و سؤال نفسك ” انا ليه مش مصاحب أو متجوز ؟ ”  ” ليه مافيش واحدة فى حياتي دلوقتى ! ” بس بالرغم من ذلك بيكون سؤال ” انا هاكل أيه النهاردة ؟ ” هو السؤال الأصعب على الأطلاق اللي بيوجهه الرجل السينجل كل يوم !
 و الوضع فى رمضان يكون أقصي و أصعب  لأن المطاعم بتتأخر و بتوصل الأوردارات غلط و الأكل بيتحول لعك !
بس السينجل مع التعود و زيادة مواجهة هذة المشاكل بيطور من نفسه و يبدأ يطبخ و يتفنن فى صناعة الأكل و نظراً لضيق الوقت اللي بيكون فى رمضان هقدملكم 5 أكلات سريعة تقدر تحضرها فى أقل من 30 دقيقة .

 

1 – مكرونة دجاج بالمسطردة

مكرونة دجاج بالمسطردة

المكرونة من أسرع و ألذ الأكلات اللي ممكن تحضرها و مكرونة الدجاج بالمسطردة هتحتاج منك (  كيس مكرونة النوع و الشكل اللى تحبه / بروكلي قطع صغيرة /  معلقة كبيرة زيت زيتون / 2 فص ثوم مفروم / 2 معلقة كبيرة مسطردة / 2 ثمرة برتقال صغيرة / 2 صدور فراخ قطع صغيرة ) أسلق المكرونة بالطريقة المعتادة أو حسب الطريقة المكتوبة على العبوة وقبل ما ترفع المكرونة من النار ب 3 دقائق ضع البروكلي يسلق مع المكرونة و حتى تتم هذة العملية حضر مقلاة كبيرة و ضع فيها زيت الزيتون ثم أضف قطع دجاج مع التقليب حتى يصبح لونة ذهبي ثم أضف الثوم مع التقليب لمدة 3 دقائق ثم أخلط عصير البرتقال مع المسطردة و أضفه على الدجاج مع التقليب لمدة 2 دقيقة ثم أخرجه من النار و ضعه على المكرونة و البروكلي بعد تصفيتهم من الماء و يمكنك أضافة ملح أو فلفل أسود حسب رغبتك .

 

2 – كبدة بدبس الرمان

كبدة بدبس الرومان

و هذة الأكلة لذيذة للغاية و يفضل أستخدام كبدة الدجاج و دبس الرمان أصبح متوافر بكثرة و المكونات ( كبدة دجاج مغسولة بالخل و الملح / ربع كوب دبس رمان / بصلة مفرومة أو قطع صغيرة / 2 معلقة زيت زيتون / ملح / فلفل أسود ) تضع الزيت فى وعاء على النار ثم تضيف البصل حتى يصبح لونه ذهبي ثم تضف الكبدة و تقلب حتى تنضج تماماً ثم تضف دبس الرمان و الملح و الفلفل الأسود حسب الرغبة لمدة 10 دقائق مع التقليب ثم تخرجها و يفضل أكلها بالعيش البلدي .

 

3 – بيتزا سندويتش

بيتزا سندويتش

الكل بيحب البيتزا و لكن صنع البيتزا فى البيت يتطلب تحضير عجين و محتويات تأخذ وقت و مجهود كبير للغاية , لذلك البيتزا سندويتش هي الحل الأسرع لعمل البيتزا في المنزل ( 2 شريحة توست أبيض أو بني / 2 معلقة صلصة / 1 معلقة زبدة / ربع كوب جبنة موتزريلا / شرائح تونة أو سلامي أو سجق حسب الرغبة / ملح و فلفل أسود حسب الرغبة ) يتم تسيح الزبدة في مقلاة و يضع عليا التوست بعد وضع الصلصة و الجبنة و الشرائح و يتم تقليب تحميص كل جانب نت التوست 5 دقائق أو حتى الحصول على لون التحميص اللذيذ .

 

4 – شاورما الدجاج بالزبدة

شاورما دجاج

نعم يمكنك عمل شاورما دجاج سريعة فى المنزل لا تحتاج الى شيف سوري الآن , كل ما تحتاجة ( شرائح دجاج متبلة بالفلفل الأسود و الملح والبصل المفروم / معلقة كمون  / 2 فص ثوم مفروم / 3 معالق مايونيز / فلفل ألوان / ثمرة طماطم / 3 معالق زبدة ) ثم تضع الزبدة و شرائح الدجاج المتبلة فى وعاء على النار حتى تحمير الدجاج و تغيير لونه ثم تضع المايونيز و الكمون و الفلفل و يترك على النار لمدة 5 دقائق ثم تخرجه و تضعه فى سندويتش عيش لبناني أبيض .

5 – سلطة تونة بالمايونيز

سلطة تونة

كثير من السناجل يقضون وقت الفراغ فى الجيم أو ممارسة الرياضة و هذة الأكلة غنية بالبروتين و لذيذة جداً لا تطلب سوا ( علبة تونة / 4 معالق مايونيز / معلقة زيت زيتون / 1 ثمرة طماطم قطع / 1 ثمرة خيار قطع /  شرائح زيتون أسود أو أخضر حسب الرغبة /  فلفل ألوان / ثمرة خس / حبات زرة صفراء ) تقطع و تخلط كل المقادير السابقة و بالهنا .