كلنا أكيد سمعنا المقولة اللي بتقول “الراجل من غير كرش ما يسواش قرش” وغيرها من الجمل المعروفة اللي بتبرر للراجل “كرشه” وبتحسسه انه معنوش مشكلة وبترفع من روحه المعنوية زي “الكرش ده عز” او “الراجل مايعيبهوش غير جيبه” وغيرها..
وفي السياق ده قررنا انهاردة نقولك شوية من مميزات الراجل اللي “بكرش” واللي هتحطه في خانة الزوج المثالي وتخليكي تفضليه عن غيره من الرجالة اللي قوامهم ممشوق.
1-هتلاقي الحضن اللي بجد
لما تحتاجي حضن حنين، اكيد مش هتلاقي احسن من حضن الراجل اللي بكرش، واللي هيخليكي تحسي انك حاضنة مخدة كبيرة ومريحة، ده غير كم الحنية اللي هتلاقيها في حضنه والاحتواء اللي هتحسيه معاه.
2-مش هتحتاري تطبخيله ايه
لأن عادة الراجل اللي بكرش ده اكيد بيقدر جدا كل انواع الأكل وبيحبها، فا مش هتحتاري ابدا ولا هتفكري كل يوم تطبخيله ايه، وده لأن اي صنف هتعمليه هياكله تقديساً منه لجميع أنواع لأكل.
3-هيشاركك حملك
في فترة حمل كل أم، عادة بتشتكي وبتعاني ان جوزها مش بيحس بيها وانها تعبانة وشايلة الهم لوحدها، الراجل اللي بكرش بقي مش هتحسي معاه بكل ده، بالعكس تماماً ده انتي هتحسي بمشاركة وجدانية رهيبة، ودي بقي ميزة مش هتلاقيها غير في الراجل اللي بكرش.
4-متنسيش ان الكرش موضة
لو بتابعي الموضة العالمية فا اكيد سمعتي عن موضة “dadbody”، واللي ظهرت السنة اللي فاتت واتبعها كتير من نجوم هوليوود وخلتهم يستغنوا عن الجسم المثالي والـ”body building” ويربوا كرش صغير كدة، وللسبب ده لو اتجوزتي راجل بكرش تبقي اتجوزتي راجل عصري بيتابع الموضة العالمية.
5-الكرش هيطلع هيطلع
