عزيزي الشاب المصري، ايمانا مني بشعار “اعرف عدوك” فأنا قد قررت أجمع ليك أهم صفات الحبيبة المصرية، لما ترتبط بيها، هتلاقي فيها واحد أو أكتر من الأجهزة الكهربائية دي، ان مكانش كلهم، الخمس أجهزة هما: منبه – رادار – راديو – كارت ميموري – دينامو –لو متعرفش ايه الدينامو ممكن تقرا الفاتحة لمايكل فاراداي-، الحبيبة المصرية اللي تميزت علي نساء العالم كلهم بأنها بالاضافة لأنها كائن بشري زينا يعيش ويتعايش، إلا ان ربنا بيكرمها بعد ما بترتبط، وبيطلعلها قرون استشعار، لذلك أغلب البنات بتقطع مع صاحبتها بعد ما بتتخطب أو بتتجوز، عشان الخمس حاجات اللي تحت دول.
-
منبة
بعون الله لما هيكون عندك حبيبة مش هتحتاج تظبط المنبه، سواء بتاع موبايلك أو منبه عادي، ليه؟ عشان البنت المصرية بتكون مزودة بمنبه زنان، بيفكرك بالحاجة خمسين ألف مرة عشان تعملها، فلو مثلا صاحبتها فرحها الأسبوع الجاي هتلاقي منبه “فرح صفاء الخميس الجاي” اشتغل، وهيفضل شغال لحد ما تلاقي نفسك في البدلة وهي ف ايدك لابسة سواريه وواقفين مستنيين صفاء قدام الكوافير كأنك انتا أم العروسة، وهكذا، الستات عامة بيمتازوا بصفة الزن المستديم، لذلك هي من أعظم المنبهات البشرية اللي ممكن تلاقيها وتقابلها ف حياتك.
-
رادار
رادار البنت المرتبطة بيبقي رادار موجه لأي نوع أنثوي يخترق المحيط الحيوي للذكر بتاعها، سواء علي السوشال ميديا، أو في الشغل، أو في المكالمات، كان فيه زمان نكتة بتاعة “وعملت حادثة، والعربية اتقلبت، ورجلي اتقطعت وموبايلي رن طلعت سميرة ال..” ف كل اللي فات بيتعمله Skip والرادار بس بيكون موجه ع العنصر الأنثوي في الجملة “سميرة” وهكذا، انتا معرض في أي لحظة للتفتيش من الرادار ده، وعينين أي ست مرتبطة بتشع أشعة فوق حمراء وتحت بنفسجية، وعندها جهاز كشف كدب كمان فحاسب..!
-
راديو
سبق ونبهنا علي قدرة الستات اللانهائية علي الزن، بردو قدرة الستات اللانهائية علي الرغي واللت والعجن لا تنتهي، لذلك بتلاقي البنت قبل ما بتتخطب،اتصاحبت علي أخت خطيبها، وخالته، وحماة أخته التانية، ومش بعيد جيرانه كلهم، الراديو كذلك بيشتغل في المكالمات الليلية، زمان كنت بفضل أسأل نفسي هما المرتبطين بيقولو ايه ف التليفون طول الليل، لحد ما عرفت ان أي مكالمة موبايل بتفصل كل ستين دقيقة، وبقي عندي خبرة كفاية ف باقات الموبايل اللي بتديك 2500 دقيقة وانتا طالع 😀
-
كارت ميموري
من النباهة في أي راجل انه يعرف ان الست مبتنساش، الست عامة بتفوت، بتعدي، لكن وقت الجد بتجيلك تاريخك القذر كله، فاكر يوم 15 أبريل 2004، كان فيه واحدة معدية جنبك وانتا ضحكتلها، وهكذا، تاريخك كله مسجل صوت وصورة، ومش بعيد تكون مسجلالك مقاطع فيديو كمان، وبما ان الراجل عامة كائن نساي، فدايما الست بتحط كلمة End of Text علي كل خناقة بتحصل.
-
دينامو
