على الرغم من إن “أنا آسف” هي الجملة الأنسب للإعتذار فى كل الأوقات والمواقف المختلفة، إلا إن مش دايماً ده اللي بيحصل، والسبب هو اختلاف كل شخص عن التاني، واللي بالتالي بيخلي طريقة اعتذاره هي كمان مختلفة، معتقد إن كل طرق الاعتذار مقبولة طالما الهدف واحد، وميعرفش إنه للأسف ممكن يستخدم كام جملة كدة تقلب الموضوع تماماً على دماغه ويبقى عامل زي  اللي جه يكحلها عماها، وعشان كدة لو كنت بتفكر تصالح حبيبتك لازم تبتعد تمامًا عن الـ5 جمل الجايين دول..

1-  ماتكبريش الموضوع

1

“ماتكبريش الموضوع”، “الموضوع مش مستاهل”، “خلاص بقى فيه ايه عشان كل ده”، كل دي جمل لازم تبعد عنها تماماً لو فعلا ناوي على الصلح، وده لإن الجمل دي هتدي حبيبتك احساس بإنك اصلا مش شايف إنك عملت حاجة ضايقتها وإنك كمان مش عارف إنك المفروض تعتذر.

2-  أنا آسف.. بس

Young Couple Argument

كلمة “بس” دايماً بيجي وراها تبريرات كتير للغلط، وعشان كدة من الأفضل فى الأوقات دي هي إنك تعتذر بجملة “انا آسف” لوحدها، ولو كان ضروري يعني يكون معاها حاجة يبقى مفيش أجمل من “وردة”.
 

3- أنتي السبب

The young couple with different emotions during conflict on gray background

متحاولش أبدًا تبرر لنفسك التصرف اللي ضايق حبيبتك منك مهما كانت الأسباب اللي خليتك تعمل كدة، واعرف كويس قوي إن الاعتراف بالغلط حاجة من أهم الحاجات اللي هتساعها إنها تسامحك على التصرف ده مهما كان مضايقها، لكن مقاوحة وتبرير واللذي منه محدش غيرك هيخسر.

4-  أنا ما عملتش حاجة

4

احساسك بغلطك وندمك عليه من أهم الأساسيات في حالات الإعتذار، فلو كنت بتحاول تصالح حبيبتك وقلت جملة زي دي سواء قاصد أو مش قاصد، اعرف إنك كدة معملتش حاجة غير إنك زودت المشكلة وقابل بقى..

5-  اضحكى بقى

5

فى لحظات نرفزتها وعصبيتها وخصوصاً لما تكون انت غلطان، البنت عادة بتبقى زي ما بيقولوا كدة “على تكة”، مش هتطيق إطلاقاً تسمعك بتهزر أو حتى بتحاول تروش وتقول  أي “إفيهات” عشان تضحكها وتخاليها تفك وشها، ده بالعكس تماماً ممكن تلاقيها اتعصب زيادة، فا خلي بالك.