القعدة قدام التلفزيون وأنت بتتفرج على فيلم أو مسلسل بتحبه من أكتر الحاجات الممتعة اللي واحد ممكن يعملها .. حتى في زمننا دلوقتي اللي قلت فيه القعدة قدام التلفزيون وكله بقى بيتفرج على اللي هو عايزه على اليوتيوب أو مقضيها داونلود .. بس ده ميمنعش أن الفرجة على التلفزيون ليها طعم تاني .. وخاصة أن التلفزيون كان في وقت من الأوقات هو متعتنا الوحيدة.
بس للأسف دلوقتي بقى فيه شوية حاجات بتفصلك لما بتقرر تتفرج على التلفزيون .. وبتخليك تندم على اليوم اللي خدت فيه القرار ده .. وبتقفل التلفزيون وتقعد ع النت.
جمعنالكم أكتر 5 حاجات بتقفلنا وإحنا بنتفرج على التلفزيون

1- الفاصل الإعلاني

2
الفاصل الإعلاني ده مستحيل يكون فكرة بني آدم .. ده فكرة شيطانية من أجل الانتقام من الجنس البشري .. إحنا مقدرين أن الإعلانات هي أهم مصدر دخل للقنوات .. بس ده مش معناه إني أتفرج على حلقة مدتها ساعة في 3 ساعات بسبب الإعلانات !
طبعاً في قنوات مينفعش تتفرج عليها أصلاً لأنها بتعتبر الأفلام والمسلسلات هي الفواصل .. وفي قنوات تانية هدية من السما بتعمل فواصل إعلانية قصيرة جداً.

2- الصوت بيعلى في الفاصل ويوطى بعد الفاصل

1
من أكتر الحاجات اللي بتفصلني أنا شخصياً وأنا بتفرج على التلفزيون هي أن الصوت بيعلى في الفاصل فجأة وبيوطى لما الفيلم أو المسلسل يرجع .. أو العكس .. وكمان الصوت بيعلى ويوطى من قناة لقناة .. مش عارف ده عيب في التلفزيون ولا الريسيفر ولا عيب في النايل سات ولا العيب فينا يا في حبايبنا.

3- الـ Cut

200811152137_r1sz6

وده عيب مشترك بين جميع القنوات .. حتى القنوات بنت الحلال اللي لسه كنا بنقول عليها بتعمل فواصل إعلانية قصيرة .. لازم تلاقي الفيلم أو المسلسل مقطوعة منه أجزاء .. بغض النظر عن الأسباب الرقابية .. أوقات كمان بيقطعوا أجزاء مهمة عشان يقللوا مدة الفيلم أو الحلقة .. طبعاً ده شيء فصيل خصوصاً للناس اللي مبتحبش تفوت ثانية من فيلم أو مسلسل.

4- مفيش Pause

5
الفرجة على النت بقت بتقدم لك مميزات أكتر من التلفزيون .. تقدر تعمل Pause وأنت بتتفرج لو جت لك مكالمة أو عايز تدخل الحمام أو تعمل حاجة تاكلها .. لو في حتة عاجبتك وعايز تعيدها قشطة .. كل ده طبعاً بيخلينا نفضل النت على التلفزيون.

5- تضارب المصالح

3
من الحاجات اللي ممكن تقفلك وأنت قاعد بتتفرج على حاجة بتحبها على التلفزيون أن ييجي حمادة أخوك الصغير ويبقى عايز يتفرج على حاجة تانية في نفس الوقت .. وتقلب خناقة في الآخر وأمك تيجي في صفه هو
قولولنا هل لسه بتتفرجوا على التلفزيون .. وهل الحاجات دي بتقفلكوا ولا في حاجات تانية بتقفلكو عشان نبقى واخدين بالنا يعني