لو كنت واحد من اللي بيتابعوا المسلسل الرمضاني “وعد” لـ مي عز الدين، يبقى أكيد لاحظت إن فيه تشابه كبير بينه وبين المسلسل التركي “العشق الممنوع” في تفاصيل كتير جداً، وطبعاً التشابه ده أثار الجدل حول قصة المسلسل وخلي الناس تسأل نفسها هي هتكون النهاية كمان واحدة؟، هل هتلجأ مي عز الدين للإنتحار؟، وأسئلة تانية كتير كلها إستغراب وإندهاش، وطبعاً ليهم حق لإن ببساطة في على الأقل 5 حاجات متشابهة بين المسلسلين.

1-اللوك

1
ظهرت مي عز الدين في مسلسل “وعد” بلوك جديد مختلف وعدسات لونها “أخضر” ومكياج هادي، وده خلاها تشبه جداً الفنانة التركية “بيرين سات”، ده طبعاً غير ستايل لبسها اللي كان معظمه فساتين وده بالظبط نفس ستايل “سمر” في مسلسل العشق الممنوع.

2- القصة

2القصة كمان في مسلسل “وعد” كانت شبه قصة المسلسل التركي “العشق الممنوع”، واللي بتدور أحداثه حوالين زوجة بتقع في حب راجل تاني غير جوزها، وبتعيش صراح كبير طول أحداث المسلسل بين عقلها وقلبها.

3- علاقة البطلة بأمها

3
بأختلاف التفاصيل، كانت علاقة كل من “مي عز الدين” في مسلسل “وعد” و”بيرين سات” في مسلسل “العشق الممنوع” بأمهاتهم علاقة مضطربة وغير سوية، وده اللي اتجسد خلال الأحداث وظهر من خلال مشاعر الكره والإحساس بعدم الإتزان.

4-حفلة الخطوبة

4
في مسلسل “وعد” كانت مى عز الدين متجوزة “سليم” اللي بيجسد شخصيته حازم سمير وبعد كدة قابلت أحمد السعدنى اللي بيجسد شخصية “يوسف” فوقعت في حبه، وفضل يوسف يحاول يخلي وعد تسيب جوزها عشان يتجوزها هو، وخلال محاولاه دي بيضطر يخطب “مايا” أخت جوزها، وده شبه جدا اللي حصل في مسلسل “العشق الممنوع” لما إضطر “مهند” إنه يخطب “نهال” بنت عمه في حفل خطوبة عائلي عملوه في الفيلا اللي عايشة فيها البطلة وجوزها.

5-الضحايا

5
أخر حاجة هتكلم عنها هي التشابه الفظيع بين شخصيات الضحايا، واللي هي “مايا” في مسلسل “وعد”، الشخصية البريئة والهادية اللي بيضحك عليها وبتتوهم بحب “يوسف” ليها وهي مش أكتر من كوبري بيستخدمه عشان يوصل لحبيبته، وشخصية “نهال” في مسلسل “العشق الممنوع” اللي برده استخدمها “مهند” عشان يداري على علاقته بـ”سمر” لما بدأت الناس تلاحظ علاقتهم.