العلاقة بين الراجل والست معقدة، وزي ما فيها حاجات كتير حلوة أكيد بتعدي عليهم فترات تانية مزعجة وكلها مشاكل، ولأن المشاكل دي مبتستمرش كتير طالما في حب، لازم ناخد بالنا كويس قوي من الطريقة اللي بنتصرف بيها مع بعض في الخلافات والمشاكل دي لإن هو ده اللي بيدوم.
وزي ما اتكلمنا قبل كدة كتير في الحاجات اللي بتضايق الراجل من حبيبته أو مراته، انهاردة هنتكلم في ايه هي الحاجات اللي بتضايق البنت من الراجل وبتخليه يقل من نظرها وتفقد الثقة فيه تماماً.
1-العين الزايغة
البنت بطبيعتها بتحب تحس إنها كل حاجة عند حبيبها ومش شايف غيرها في الحياة مهما كان حواليه بنات، وعشان كدة عين الراجل الزايغة وحبه للبنات بشكل عام بيخليه يقل جداً من نظر حبيبته.
2-الكدب عمال على بطال
الكدب واللف والدوران صفات بيتصف بيها كتير من الرجالة، أسفة لو بقول عليهم “رجالة”، لإن الرجولة دي كلمة كبيرة قوي، اهمها إن الكلمة اللي تطلع منه تكون سيف على رقبته، ودوره في العلاقة بيكون إنه يطمن حبيبته ويخليها تثق فيه، مش يخوفها ويخليها متصدقش أي كلمة بيقولها، وعشان كدة البنت مبتكرهش في حياتها قد “بتاع الحوارات” اللي كل كلامه كدب.
3-الاستغلال تحت مسمى الحب
الاستغلال ده نوعين، مادي ومعنوي، والتنين أسوأ من بعض، وخصوصاً لما يكون تحت مسمي الحب، حب ايه ده اللي يخلي راجل يستغل واحدة بتحبه؟! وانهي رجولة دي اصلاً؟! تبقي بتعمل كدة ومش عايز تقل في نظرها،
4-الإهانة وعدم الإحترام
من أهم الحاجات اللي بتدمر أي علاقة وبتخلي الراجل يقل من نظر حبيبته هي إهانته ليها أو تطاوله عليها سواء بالألفاظ أو بالضرب، أو عدم إحترامها قدام الناس، فمهما كانت بتعشقك وبتموت فيك مش هتستحمل المعاملة دي .
5-الشك المستمر فى تصرفاتها
