بقلم : nourhan zaid

-بعد مالبنت تكسر العشرين بشويه ..يبدأ القلق يسيطر عليها من شبح العنوسه..وتشوف صحباتها بيتسرسبوا واحدة ورا واحدة..وتيجي كل ست كبيرة تقلها..ايه مش هنفرح بيكي بقي؟…..لغايه متحصل المعجزه والبنت تتخطب..فأكيد مش هتعدي الموضوع بالساهل خاصه علي الفيسبوك..واحنا دلوقت هنقدملك 5 حجات هتعملهم صحبتك المخطوبه علي الفيس…(الحقيقة مش كلهم بيعملوا كده بس دي النوعية اللي لا تطاق منهم …ودول كتير قوي)..

الصورة b0b22577ad

هتلاقي الصوره الشهيره..صوره صحبتك هي ولابسه الدبله جنب صوره خطيبها وهما مشابكين ايديهم ..المشكله انه لولا صحبتك لابسه  البادي الكارينا مكناش عرفنا الفرق بين ايد صحبتك وايد خطيبها.
  Unfriend 

blocked

هتلاقيها عملت unfriend لكل الولاد اللي عندها بما فيهم her ex…. وفالاغلب بعد الجواز والخناقات بترجع تعملهم ادد تاني عادي جدا

عقبالك 023

-هتلاقي ملهاش نص ساعه مخطوبه وتدخل تقلك عقبالك علي الشات..يبقي مقدمكيش غير حلين لااما تقوليها شكرا ربنا يخليكي..يا اما متكتميش في نفسك ياحبيبتي وتردي عليها وتخسريها عشان سخافتها …

المجروحة

CPY27f5WoAIW4UG

هتصحي الصبح مره .. هتلاقيها نازله حزن وبوستات من نوعية..مكنتش اتخيل اني رخيصه كده..او نسي وعده ليا خلاص..وحاطة اغاني حمادة هلال وحماقي ….وكل ده عشان خطيبها كنسل عليها وهو في الحمام.

 الاسم   254165_dreambox-sat.com

_ البنت بعد مبتتخطب بتشيل اسم ابوها من جنب اسمها..وتحط اسم خاطيبها ..وبدل ميبقي اسمها ياسمين اشرف ممدوح يبقي اسمه ياسمين حبيبه مودي..طب بالنسبه للراجل اللي جبلك بامبرز وقعد يغزيكي سيريلاك  لغايه مبقيتي كبرتي ..نسيتيه خلاص؟؟..وفالاغلب بتغير صورتها وبتحط صورة زي اللي فوق دي بالظبط .
الحقيقة ياجماعة الموضوع ابسط من كده بكتير ؛ ولا احنا مهتمين بيكم للدرجة عشان اتخطبتوا او حتي اتطلقتوا الدنيا بسيطة ….الجواز نفسه مش بداية العالم هو فالاغلب نهايته 🙂