6 شخصيات من البنات بنقابلهم على البحر

” البنات و الصيف ” و ” فى الصيف لازم نحب ” و ”  get sexy for summer ” و ” فورمة الساحل ” كلها جمل و عنواين أفلام بتخلينا متأكدين أن فى رابط قوي بين  الحب و الصيف و البحر و الكل بيجهز بطريقته على أمل أنه يتعرف على حب على شواطئ البحر و دي 6 شخصيات من شخصيات البنات الكتير اللي ممكن تقابلهم على شاطئ عشان تقدر تحدد اللي ممكن تكون فيهم هي الحب !

1 – لوحة التاتو

عادة ما بتكون البنت عاملة تاتو أو أتنين بس شخصية لوحة التاتو دي بتكون مختلفة لأنها بتكون عدت بخبرات حياتيه كتير و وصلت لمرحلة أن مافيش فايدة من أى حاجة حتى الحب فلو بتعجب بالنوع دا من الشخصيات الغامضة و المعقدة من تجربها السابقة حاول معاها بس هتتعب شوية فى البداية يا معلم !

2 – القارئة

على عكس معظم البنات اللي بتحاول تستمتع بالبحر و الشمس تجد بنت هناك كدا ماسكة كتاب و بتقرأ بتركيز شديد لو أنت من محبي القرأة أعرف انكم هتظبطوا مع بعض جداً بس اتأكد الأول أنها بتقرأ بجد و بتقرأ إيه قبل ما تاخد خطوة التعارف !

3 – الباحثة

ودي هنا مش باحثة علمية أو أدبية بل باحثة عن عريس غالباً بتكون البدايات معاها سهلة و جميلة لحد ما تبدأ تتكلم عن أحلامها عن فرحها و جوزها يبقى عامل أزاي و شقتها فين و من هنا أخلع فوراً يا معلم لأنها بتكون عاوزة أى عريس مش مهم شخصيتك أو أحلامك فبيكون حب مش حقيقي أفضل الإبتعاد عنه حتى لو كنت منجذب إليها .

4 – المتأملة

البنت دي يقى هتلاقيها هادية و سارحة فى الملكوت طوال الوقت و بتتكلم بصوت واطي نابع من السلام الداخلي المتحقق بداخلها فبص يا معلم لو ليك في جو التأمل و اليوجا و الأرواح المشتركة  دوس بقلب جامد و أكيد هتلاقوا منطقة مشتركة أنما لو ملكش فى الإجواء دي متحاولش أصلاً !

5 – بنت السيلفي

فتاة السوشيال ميديا التى لا تترك الموبايل من يدها و بتأخد سيلفى طول الوقت و كل لحظة من حياتها موجودة أونلاين , لو كنت رجل سيلفي هتخربوا الأنترنت و السوشيال ميديا بصوركم لو حبيتوا بعض , غير كدا علاقتك بيها مش هتكمل لو معندكش فيسبوك مثلاً !

6 – نجمة البحر

ودي بقي يا معلم بتكون بتحضر السنة كلها عشان شهريين الصيف و عشان تكون نجمة البحر و المزة الذي لا خلاف عليها و دي ملهاش حل غير أنك تكون نجم البحر غير كدا ما تحولش !

لو قابلت اي انواع تانية غير دول اكتبلنا في كومنت 😀