في حياة كل راجل وست بيحبوا بعض تفاصيل كتير محدش غيرهم بيفهمها ولا بيحسها، وكل طرف منهم بيبقى ليه طريقته المختلفة في التعبير عن حبه للطرف التاني، وبما إن “الحضن” بكل أشكاله وأنواعه هو افضل طريقة لتوصيل المشاعر والتعبير عن الحب، هنقولكوا انهاردة على أنواع الأحضان المختلفة ومعانيها.

1-الحضن القوي

Image processed by CodeCarvings Piczard ### FREE Community Edition ### on 2016-01-21 14:40:50Z | |

الحضن القوي هو الحضن اللي فيه بتحس إن ضلوعك هتتكسر من كتر شدته، والسبب في ده هو احتياح طرف من الأطراف للتاني واللي بينعكس على طريقة ونوع الحضن اللي بيحضنه، وساعات كمان بيكون رغبة من الطرف الأول في إنه يطمن الطرف التاني ويأكدله إنه هيفضل دايماً جمبه ومعاه.

2-الحضن السريع

2

الحضن السريع ده بقى هو الحضن اللي حبيبك بيقولك بيه إنه مهتم بيكي للدرجة اللي بتخليه يستغل اي فرصه للقرب ولو حتى ثواني معدودة، وعشان كدة اوعي تستهوني بيه أو تفتكريه مالوش معنى، فا بالرغم من إنه اسرعهم وابسطهم إلا إنه مهم جداً.

3-الحضن الطويل

3

ده الحضن اللي تحسي إنه مبيخلصش، وعادة بيعبر عن الاحتياج الشديد والرغبة في انكوا تفضلوا طول العمر مع بعض ومتفترقوش أبدا، ده غير إنه دليل قوي على الحب اللي كل واحد فيكوا بيحبه للتاني.

4-الحضن من الظهر

4

لو حبيبك حضنك من ظهرك يبقى بيحاول يدلعك ويديكي جرعة من الحنان والحب تساعدك على تحمل مشاكل الحياه وهمومها وبيقولك بطريقة غير مباشرة “انا دايماً في ظهرت متشيليش هم حاجة طول ما انا موجود”.

5-الحضن اللي بيرفع فيه الراجل حبيبته عن الأرض

5

النوع ده من الأحضان بيكون شديد الرومانسية، يعني لما حبيبك يحضنك جامد ويشيلك من على الأرض ده معناه إنك وحشتيه جداً وإنه مبسوط إنه اخيراً شافك، شبه “حضن المطارات” يعني 😀

6-الحضن اللي بيشيل فيه الراجل حبيبته ويلف بيها

6

وده الحضن اللي اي عريس بيحضنه لحبيبته في الفرح، واللي بيعبر عن فرحته الشديدة بحبيبته ورغبته في التعبير عن حبه ليها قدام العالم كله، وعشان كدة بيشيلها وبيلف بيها وكأنه بيقول للناس هي دي حبيبتي اللي مكفياني ومالية عيني.

7-الحضن اللي بيحط فيه الراجل ايده على راس حبيبته

Jess-Ricky-Hug

أخر نوع بقى هو الحضن اللي بيحط فيه الراجل ايده على راس حبيته والأيد التانية على ظهرها، وده بيكون مليان بجرعة كبيرة من الحنان، وساعات كتير كمان بيكون كنوع من المصالحة أو المواساه، وده طبعا حسب الموقف.