كتبت دينا بدر

“أنا لازم اعمل دايت”.. جملة اكيد كلنا كبنات سمعنها كتير، ده لو مكناش احنا شخصيا بنقولها كل ما نلاقي نفسنا تخنا شوية او وزننا زاد كام كيلو، لكن النتيجة بتكون “بخ” مفيش اي حاجة بتتنفذ ولا بتتعمل، بنقرر بسرعة وبننسي بسرعة اكتر، وزي برده ما دايما بنسمع “الحكاية محتاجة إرادة” ودي فعلا حقيقة لأنك ببساطة من غير الإرادة من هتستمري ولا هتوصلي لنتيجة، لكن في حاجة كمان مهمة زيها زي الإرادة وهي “الدافع” اللي اصلا بيخليكي تاخدي القرار الصعب ده وتبدأي تنفذيه، وكل ما كان الدافع قوي كل ما كانت النتيجة مضمونة، وعشان كدة هنتكلم معاكوا انهاردة في شوية حاجات ومواقف كدة كفيلة تخلي الدايت بالنسبة للبنت “مسألة حياة أو موت”.

  1- حبيبها خانها مع واحدة رفيعة

mqdefault

حاجة من اكتر الحاجات اللي بتأثر على نفسية البنت وتخليها فعلا تقرر تخس هي ان حبيبها يسيبها عشان “تخينة” او يخونها مع واحدة تانية ارفع منها، وفي الوقت ده القرار بيكون مصيري وبتكون البنت في الحالة دي مش شايفة قدامها اي حاجة غير انها لازم تخس عشان تنتقم منه وتخليه يندم عليها.

2- للأسف .. مفيش مقاسك

14a-na-60857

كلنا عارفين برده أن البنت المليانة بتواجه صعوبة كبيرة في شراء الهدوم لأنها عادة مش بتلاقي مقاسها فى محلات كتير، وعشان كدة فجملة زي “للأسف مفيش مقاسك” أو “ده أكبر مقاس عندنا” كفيلة تخليها تقرر فعليا ان هي تخس.

3- المايوه هو الحل

9600310911_7f395d5ee0_c

على الرغم من ان البنت المليانة عادة مش بتعرف تلبس حاجات كتير لانها ببساطة مش مناسبة مع شكل جسمها زي الفستان مثلاً واللي بيعتبر واحد من اهم رموز الأنوثة عند اي بنت، إلا إن المايوه برده هيفضل حاجة تانية، مفيش بنت منفسهاش تلبس مايوه وتنزل المية وهي واثقة من نفسها ومتأكدة أن شكلها حلو، وعشان كدة “المايوه” يعتبر واحد من أقوى وأهم الدوافع اللي بتخلي البنت تاخد قرارها بأنها تخس وتظبط شكل جسمها.

4-  “يا مدام”

ماتقوليش يابت
ماتقوليش يابت
كلمة “يا مدام” دي كلمة تقيلة على ودان اي بنت، حتى المتجوزة فيهم، فما بالك الأنسة؟! وطبعا لأن زيادة الوزن بتخلي شكل البنت اكبر بكتير من سنها فا عادي جدا انها تلاقي سواق التاكسي او الراجل بتاع السوبر ماركت مثلا بيقولها اتفضلي الباقي “يا مدام”، وهنا بتتصدم البنت بحقيقة واقعها المؤلم وأنها لازم تتحرر من القالب اللي هي حاطة نفسها فيه ده بانها تخس وفورا من غير تردد.

5- لبسها أحلى بكتير على واحدة غيرها

wedding dress nightmare 9.jpg

لأن البنت بطبعها غيورة، فا طبيعي جدا انها تتجنن لو شافت واحدة تانية لابسة بلوزة او بنطلون زي بتوعها لأنها بتحب دايما تكون مختلفة ومميزة .. طيب تفتكروا هتعمل ايه ولا هتحس بإيه لو لقت الهدوم دي شكلها احلى بكتير على البنت التانية؟! اكيد طبعا مش محتاجة اشرحلكوا..

6 – “إنتى تخنتى قوي يا حبيبتي”

Capture2

“إنتى تخنتى” جملة بتسمعها البنت المليانة كتير جدا من اهلها او اصحابها لدرجة انها ممكن تكون اتعودت عليها ومبقتش تأثر فيها إطلاقاً، لكن لازم تعرفوا أن تأثير الجملة دي بيختلف 180 درجة لو سمعتها من حبيبها، بتخاف يبطل يحبها أو يتشد لواحدة تانية احلى منها فطبيعي جدا انها ساعتها تقرر تخس عشان تملأ عينه وتخليه ميبصش لواحدة غيرها.

7- الفستان الأبيض

download

فستان الفرح الأبيض حلم جميل بتحلم بيه كل بنت وبتتمني تحققه وبتتخيل دايماً شكلها في اليوم ده وقد ايه هتبقي جميلة شبه الأميرات، فهل يا ترى ده مش سبب كافي يخليها تقرر تخس عشان شكلها يبقى حلو في الفستان زي ما كانت دايما بتحلم؟!