By: Mohamed Emad

الميدتيرم كابوس ناس كتير جدا و بعده بيبدأ الشعار الآلش بتاع كل صفحات الفيس بوك “هنعوض في الفاينل…ههههه” دون اخذ اى اعتبار بسذاجة و سخافة الجملة دى!!

ودول 8 نصايح لو عملتهم قبل الميد تيرم ما يبدأ احتمال تعدي!

1-حب الدفعة كلها كل الناس اللى كنت بتسف عليهم حبهم وعاملهم بنضافة كدة.

شلة صعيدي في الجامعة الامريكية

2- العب على اوائل الدفعة… هتلاقى اكونته مرمى على الفيس بوك اجرى اعمله ادد … لو مش عارف اسمه غالبا هتلاقى الpp  بتاعته صورة وهو بشنب اعدادى مع صحابه متاخدة بموبايل صينى … معلش تعالى على نفسك.

فريند زون 2

3- اول ما تنفذ رقم 2 خش اعمله لايك على صورته من اعدادى واكتبله كومنت”هههه نايس يا هندسة”.

like

4-كدة اوائل الدفعة فى جيبك وهيدوك محاضراتهم…الدور والباقى على الناس اللىحواليك في اللجنة…بص شوف مين اكتر واحد دحيح في اللجنة وابدأ اتكلم معاه عن المحاضرة الاخيرة وناقشه فى اى حاجة واعمل نفسك فاهم… وانك حبيت العلم فجأة بقى وكدة.

مني ذكي صعيدي في الجامعة الامريكية -فريند زون

5- لو نفذت 4 صح اول ما تشوفه تانى يوم اعزمه على كريب كرسبى لو استرخصت وجيبت كريب رومى مضمنش انه يغششك!

هات عشة جنيه

6- هات ملازم ….انا عارف انك مش هتفتحها بس علشان ترضى ضميرك.

حطهم في صندوق التوفير

7- انزل ذاكر مع اصحابك… طبعا معروف باقى السيناريو ….”يعم هنذاكر بس تعالى ماتش بلاى ستيشن”.

انا ناقص ياخويا

8- لو كل ده منفعش معاك افتح الفيس بوك خش اكتب بوست “هنعوض في الفاينل ….هههه” .

final exams