لقراءة الجزء الاول : أساطير العلاقات – الرجال
عزيزي الراجل، لو حضرتك فاكر انك فاهم الستات، ف أنت تبقي غلطان وبشكل كبير، انا فاهماك يا عدوي يللي بتقعد مع صحابك تشيش وتقول علينا كلام وحش، عارفاك يا بتاع تالتة رابع، والنهاردة انا جيت بنفسي عشان أطيرلك كل مفاهيمك وأساطيرك الغلط عن الستات والبنات، وإليك آخر الأخبار…!
  • الستات كائنات زنانة..!

أول أسطورة محتاجين نحطمها النهاردة هي ان الستات مخلوقات زنانة، الست بطبعها مش مخلوق زنان ولا تحب الزن، أحب ما عليها هي كوباية الشاي وتقعد في ركن ومع نفسها ومحدش يقولها اعملي حاجة، لكن لما تلاقي في البيت مخلوق طويل عريض، قاعد ورامي كل حاجة ف كل حتة، الكلمة بتتقال مرة واحدة مش بتتسمع، طبيعي تلاقي فوق دماغك حد بيفكرك كل تلات دقايق انك تقفل قاعدة التواليت، وتقفل الشفاط، وهكذا..
talk_too_much
  • الستات نكدية بطبعها..

أثبتت الدراسات الحديثة ان الستات كائنات فرفوشة طول ما جنس الذكور بعيد عنها، الست بيشاع عنها انها نكدية لأنها بس “بتفكر كتير” بتفكر كتير في ولادها، بتفكر كتير في صاحبها، في جوزها، بناءا عليه بتتجهم ملامحها، وتطلع عنها اشاعات كذابة انها نكدية و”قرطاس نكد”
tumblr_m3wf5c88b81roarllo1_500
  • الستات بتكره الكورة..

أسطورة غير صحيحة بالمرة ممكن تكون كانت بتنطبق علي الستات من أول أربعين وانتا طالع، انما الست بفطرتها مش عدوة للكورة، هي عدوة لكل ما يجذب انتباه الراجل عنها، منها ماتشات الكورة بشكل عام، فيه بعض البنات بتستسخف الكورة، ازاي اتنين وعشرين راجل كبار بالغين بيجرو ورا كورة واحدة، بس مؤخرا ظهر اهتمام بنات كتير بالكورة وانا أولهم، وزاد التعصب بينا أكتر حتي من الولاد..!
cgfkmydty9c0t9uq9lnt
  • الستات مبتفكرش في ال”لامؤاخذة”

أثبتت الدراسات الحديثة “أوي” ان البنات والستات بردو بتفكر في “اللامؤاخذة” وبتفكر فيه بشكل كبير، إلا مكانتش مبيعات اللانجيري كانت 300% السنة اللي فاتت، ومكانش فيه لانجيري لكل المناسبات، لانجيري الكريسماس، لانجيري العيد الصغير، لانجيري العيد الكبير.
الستات بتفكر في اللامؤاخذة، بس ممكن تكون عندها مشاكل في الثقة في نفسها، لذلك بتحاول تعمل نفسها “تقيلة” ومش واخدة بالها، علشان الراجل ميحسش انها “مدلوقة” عليه.
Woman_Thinking-sex-copy
  • الستات بتموت في المسلسلات التركي/ الهندي/ الكوري وهكذا…

لو سألت أي ست بتتابع المسلسلات دي، هتقولك انها مملة، وبطيئة ودمها تقيل، ليه بقي نسبة مشاهدتها عالية؟ لأن كل ست محتاجة تركز ف حاجة مختلفة عن البيت، محتاجة تشوف رجالة شكلها حلو بتدلع ستاتها، بدل الكرش اللي داخل خارج عامل ضجة ع الفاضي، باختصار الستات بتحب المسلسلات دي لأنها بتعشق تعيش في حكايات غيرها وتركز في حد غيرها، وتفصل وتتعامل.

screen-shot-2013-05-24-at-2-44-28-pm