أساطير
 بلدنا في القلوب متشالة، بلدناالجميلة اللي مليانة أساطير وحكايات وعايشة علي النميمة، دي عينة م الأساطير اللي بنقابلها في حياتنا اليومية كل يوم وبنسمعها، وساعات بنصدقها..!
  • اللي شايل IPhone يبقي ابن ناس..!

Untitled_design_40_grande

اول أسطورة معانا النهاردة هي أسطورة الايفون، زمان كان عندي اعتقاد جازم أن اي حد معاه الموبايل ده غني او باباه حرامي، لكن بعد ما كبرنا، وعرفنا انه مش غالي كده ؛و انه م السهل انك تشتري ايفون، وان فيه حاجات ارخص منه بكتير واحسن منه اصلا،  لولا بس التفاحة واكلة دماغ الناس.

 

  • تلاقي أمك اللي جايباهالك..!

امه فعلا جايبهاله :D
امه فعلا جايبهاله 😀
الشخص الي اتهور، وبكامل إرادته راح اشتري عربية تمشي ع الدائري والمحور والشوارع المكسرة ده ييستحق لقب بطل. مش بس بطل، ده تجوز عليه الصدقة، لأنه مسكين، بيصرف نص مرتبه ع العربية والصيانة والتوكيل، والنص التاني على شكله، عشان يليق ع العربية

 

  • وحياة دقنك ياشيخ..!

Khal-Drogo

مؤخرا بقي فيه اتجاه عالمي لعدم حلاقة الدقن، ولقينا ناس، بتحط على دقنها جليتر وترتر، وتوك،وبتسرحها كمان!! الشاب الي مطول دقنه، غالبا، بيكون مكسل يحلقها مش اكتر، ولما حد بيقوله يا شيخ، بيعرف انها طولت، ف بيروح للحلاق.

 

  • اللي بشعرها تبقي مش كويسة..!

صابرين معاها باروكة - صابرين فقدت الباروكة
صابرين معاها باروكة – صابرين فقدت الباروكة
تماشيا مع الحملة القومية لخلع الحجاب، قلت ف الفترة الاخيرة ادعاءات ان إلى بشعرها تكون اخلاقها مش كويسة ، نسيو ان كل واحدة له حرية الاختيار، ما بين الحجاب او عدمه، بالتالي، المحجبة هي انسانة اختارت ، والغير محجبة كذلك اختارت، وان الموضوع يا عزيزي، ملوش علاقة بالأخلاق لا من قريب ولا بعيد!

 

  • المتجوزين مبسوطين..!

124926_mn66com

الناس عمرها ما كانت مبسوطة! عمر المتجوزين ما كانو مبسوطين، تلاقي البنت من دول ههتموت تتجوز، تتجوز تلاقيها عمالة تنوح، طب بتتحوزي ليه؟ وانتا يا بابا، بتنوح ليه؟ مشكلة الجواز الحقيقية في مصر مش ف النكد الزوجي، لانه عرف في العالم كله، المشكله في مصر انهم بيتجوزو وخلاص، من غير اي سبب منطقي او بديهي، جواز لمجرد الجواز!