كلنا بنحب قلة الأدب، ده شئ مؤكد ومفروغ منه، حتي الناس اللي بتقولك انها مبتحبش قلة الأدب، بتروح ف أوقات فراغها ومحدش معاها بتدور علي قلة الأدب، احنا أكتر شعب بيدور علي الPorn في سماء الانترنت، أكتر عدد من المنتديات العربي في الأباحة، النهاردة بنتكلم عن الأباحة الموسيقية، الأغاني قليلة الأدب، اللي فيها ايحائيات خارجة وفيها ألفاظ خارجة، وكلكو كبار وفاهمين.

 

1- سيب ايدي “وائل صديقي”

20150525_143255_4974

الأغنية اللي أثارت الرأي العام العالمي والدولي، الأغنية اللي وائل الابراشي عمل عليها حلقة بمقدمة نارية، وأول أغنية تتحبس بطلتها تلات شهور بتهمة اثارة الفجور، أغنية الاستاذ وائل الصديقي الفنان الحقيقي؛  الأغنية عامة متاخدة من أغنية جيجيني جي الهندية، جرأتها وقلة أدبها في الأساس ف الكليب وكدة.

 

2- الصراحة راحة “مروي قرنوح”

أول أغنية عربية اتقال فيها كلمة “ما بتعرفش”، مروي الغراء الفرعاء المصقول عوارضها، صاحبة أكبر عدد من حوادث التحرش الجماعي ف حفلاتها ف العالم العربي، كانت طالعة ف فيلم “حاحا وتفاحة” بدور “رقاصة” وغنت الأغنية دي من ضمن أحداث الفيلم.

 

3- لازم يقف “دوللي شاهين”

70861-1359359817

المطربة المثيرة للجدل في افيه في منتهي السفالة “لازم يقف عشان انا جيت” ف تقول ف نفسك “يلهوي” تروح دولي قايلالك بقي، أحسن تفتكر حاجة عيب ولا حاجة “لازم يقف، ماهو ده الايتيكيت”، تلاعب فاضح بالألفاظ طلبا للفرقعة.

 

4- حط النقط “بوسي سمير”

cppx110

بوسي سمير كانت “راقصة” وكان معاها شوية فلوس، عملت الأغنية الأشهر ليها “حط النقط علي الحروف، قبل ما نطلع سوا ع الروف” وعملت فيديو كليب لا يقل في الاثارة عن كلام الأغنية.

 

5- يا….أمك “سيد مكاوي”

maxresdefault

أغنية نادرة جدا للسيد مكاوي، غالبا كانت بتتغني ف قعدة مزاج، تعتبر من قلائل الأغنيات اللي بتحتوي علي ألفاظ صريحة وصادمة زي الألفاظ دي، الأغنية عامة كانت بتتغني لواحد بتعايره بأن والدته بتشتغل – لا مؤاخذة- وأبوه بيشتغل بردو – لامؤاخذة-

 

6- بح “نجلا”

18022006-204302-0

طبعا أغنية “هطلب ايدك بكرة” غنية عن التعريف، لكن فيه أغنية تانية أشنع منها، كلماتها بتقول: ” بح خلاص مفيش ماعدش عندى اللى اديهولك دح خلاص مفيش شوف حد غيري يديهولك” ومش هزود عن كدة 😀

 

7- ا..ا الشبشب ضاع “حماصة”

hqdefault

أول أغنية شعبية فيها الكلمة الأشهر في مصر “إني حقا أعترض”، الكلمة الأقرب للسان كل واحد لسانه أطول منه، أبلغ اعتراض علي كل حاجة، وأي حاجة، كلمة تصلح لكل زمان ومكان ومقام وشخص، الأغنية عامة بكاء علي أطلال شبشب ضائع المغني كان مشتريه للعيد، ف طبيعي يزعل طبعا..! …وتم اعادة غناء الاغنية بدون الكلمة الاولي بصوت وكليب سما المصري

 

8- يا واد يا تقيل “برديس”

342

النسخة الأكثر “أباحة” من أغنية “سعاد حسني” الجميلة، الراقصة “برديس” عرفت ببراعة انها تشوه الأغنية وتبوظ كل حاجة فيها، لبست “برديس” في الكليب ده شورتات بتنور ف الضلمة، فساتين أخواتها الصغيرين، وحاجات يعني، ما أنزل الله بها من سلطان !

 

9- حمبولا …كل ما اجي اشبط

hqdefault

نجم من نجوم المرحلة … اول ظهوره في كام فيديو علي اليوتيوب وهو بيرقص بالفانلة الداخلية بشكل مريب في افراح شعبية وبعدين ظهر في فيديو في رأس السنة وكان سجل الاغنية دي قبلها …اللي واضح معناها من الكلام (كل ما اجي اشبط الباب يخبط) … وظهر مؤخرا في فيلم ولاد رزق

10- ماعدش بيقف … 

images
الصورة من انيميشن بي بليد … ولك حرية فهم المعني 😀
اعتقد مش هنقدر نزود اكتر من كده … اغنية شعبية شهيرة جدا و واضح طبعا ايه اللي موقفش فالغنوة …