كل الدراسات بتأكد أن البنت بتكون أكتر نضجاً من الراجل اللي في نفس سنها، وعشان كدة فكرة إنك تقدر تخلي بنت أكبر منك تحبك دي مش سهلة أبداً، لإنها لو محستش إنك راجل ناضج ومسئول، تقدر تعتمد عليه عمر العلاقة بينكوا ما هتنجح، وده بيخلي عليك مسئوليات زيادة شوية عن اللي مطلوبة لنجاح أى علاقة تانية، فا لو كنت بتحب بنت أكبر منك بكام سنة متقلقش، تعالى وانا هقولك إزاي تقدر تكسب قلبها وتخليها تحبك.

1- متحسسهاش بفرق السن

1398280465_7_149

أول وأهم حاجة هي إنك لازم تاخد بالك كويس قوى من كلامك وطريقتك وتحاول على قد ما تقدر متحسسهاش بفرق السن اللى بينكوا، وخصوصاً لإن فكرة إنها أكبر منك دى لوحدها بتخليها حساسة جداً تجاه كل المواقف اللى بيتفتح فيها الموضوع أو بيكون فى مجال للنقاش فيه قدام الناس.

2- اهتم بيها طول الوقت

1398280470_5_245

لو فعلاً بتحبها حاول طول الوقت تحسسها بده وتأكدلها إنك عمرك فى يوم ما هتبص لواحدة غيرها لانها عادة بتكون خايفة تسيبها وتروح لواحدة تانية فى نفس سنك فا لازم تطمنها بطريقتك وبإهتمامك اللى محاوطحا طول الوقت وتحتويها وتسمعلها وتناقشها في اهتماماتها وتساعدها في حل مشاكلها.

3- لازم تحس إنها مسئولة منك

ثقف-نفسك477

لو في العموم وفي كل العلاقات لازم البنت تحس إنها مسئولة من راجلها وبتعتمد عليه طول الوقت، فا فى الحالة دى ولما تكون البنت اللي بتحبها أكبر منك بيكون الموضوع ده حاجة من اهم الحاجات اللي بتحدد نجاح العلاقة أو فشلها، لانها ببساطة لو محستش إنها مسئولة منك هتبدأ تحس بفرق السن اللي بينكوا وبالتالى هتشوف إنك “طفل” بالنسبالها وهتبعد عنك.

4- دعم ثقتها بنفسها

ثقف-نفسك388

عاملها دايما على إنها مميزة ومختلفة عن كل البنات وإنها مالية عينك جداً وحاول طول الوقت تتغزل فيها وتدعم ثقتها بنفسها، وده لأن البنت لما بتكون اكبر من حبيبها ممكن تحس إنه مع الوقت هيزهق منها ويبدأ يدور على واحدة تانية فى سنه تكون أحلى وأصغر منها.

5- عرفها سنك الحقيقي من الأول

جينيفر-لوبيز-وكاسبر-سمارت-18-عاماً

أخر حاجة بقى أحب أقولهالك إنك مهما حصل مينفعش تضحك عليها وتقولها سن تاني غير سنك الحقيقى عشان تكبر نفسك، لأنك بعد فترة هتلاقي إنك مضطر تقولها الحقيقة ومش هتعرف، ولو عرفت هتخليها هي تحس إنها إتحطت قدام الأمر الواقع ومفيش قدامها حاجة تعملها غير إنها تقبل، وده ممكن يخليك مع الوقت تقل من نظرها.