البنت الكيوت هي كائن موجود في كل مدرسة، جامعة، شغل. البنت الكيوت مفيش مفر منها وكل البنات نفسهم يبقوا زيها بس للأسف مش بيعرفوا، عشان كده انا جمعتلكم الصفات الأساسية اللي هتخلي كل الناس يشوفوكي كيوت

 

  • بينك يا منى

pink

دولابك لازم يكون مليان بينك بدرجاته اللون البينك هو اللون الأساسي لكل البنات الكيوت ولو يعني هتضطري تلبسي اسود عشان رايحة عزا مثلا البسي شنطة بينك، عربيتك لو ملقتيش منها بينك يبقى الفرش كله بينك، الحياة كلها لازم يكون لونها بمبي
  • انتي مبتعرفيش تعملي اي حاجة لوحدك

fbd04f3e-9c41-4909-9753-78d9e8f864e1

انتي مبتعرفيش تربطي جزمتك ولا تفتحي علبة الصلصة ولا حتى الكانز…انتي كائن ضعيف وهش ولازم حد دايما يساعدك
  • عيطي كتييييييييييير

cry

سايقه عربيتك وتهتي في الطريق؟ كلمي حد من صحابك واساليه عن الطريق وعيطي جامد اوي، حد عملك Poke على الفيس بوك؟ عيطي، دخلتي حمام الشغل لاقيتيه مش فاضي؟ عيطي…عيطي كتير اوي لأن ده بيثبت قد ايه انت رقيقة وكيوت
  • حبي الأطفال والحيوانات اوي

babies

اول ما تشوفي طفل اجري عليه وكلميه بمفردات الأطفال زي “يوغتي” والمفردات الجميلة دي اللي تبين قد ايه انتي روحك حلوة وكمان اول ما تشوفي كلب او قطة وبالذات لو شيواوا لازم تطبطبي عليه وتديله أكل وآه صحيح متنسيش تتصوري مع الأطفال واكتبي #PureSouls
  • اقرفي من العربي

BFF

حمام؟! يع اسمه Toilet، لأ ايه اسمها NO اوعي تتكلمي او تعملي شات بالعربي هيبقى شكلك بيئة اوي لازم تحشري الإنجليزي في كل كلامك عشان البنت الكيوت مش بتقول الكلام بالعربي
 
  • بوسي واحضني صحابك طول الوقت

1403647759482

طول الوقت انتي ماشية وصاحبتك في حضنك متسيبهاش غير لو هتدخلي الحمام وطول الوقت تقوللها كلام زي Baby ، حياتي، اتصوري معاها و اكتبي #life  البنت الكيوت حبوبة كده وبتنشر الحب حواليها

  • حتى لو الدنيا بتولع قدامك مينفعش حد يتعصب عليكي

keep-calm-and-omg-my-house-is-on-fire

بيتكم بيولع و ابوكي زعق فيكي عشان تجري؟ اقعدي على جمب عيطي ازاي الراجل ده يزعقلك هو مش عارف انك رقيقة ولا ايه؟! اللي يتعصب عليكي مهما كان الموقف متسكتيلوش البنت الكيوت متستحملش ان حد يتعصب قدامها
  • اصلك قلت جثث

gosas

خافي طول الوقت من الدم، من الجثث، من المية اللي مش نضيفة ودوخي بقى، لو حد قال قدامك جثه او مشرحة اقعي ويغمى عليكي فورا عشان كل الناس تقدر قد ايه انتي رقيقة وجميلة