فى اوقات الانفصال، بتختلف مشاعر كل بنت عن التانية، في اللي بتنهار وبتكتئب وبتقضيها عياط، وفي اللي ولا يفرق معاها تماماً، هتنساك بمجرد ما تخرج من حياتها، فلو كنت مش عارف حبيبتك هتعمل ايه لو سيبتها يبقى لازم تقرا المقال ده اللي هيعرفك ردود أفعال البنات بعد الانفصال من خلال الأبراج.
الحمل .. راجعة راجعة
امرأة برج الحمل دي مفيش قلق منها، فعلى الرغم من إن ردود افعالها في اوقات كتير بتكون مجنونة ومش محسوبة وعشان كدة بتبان بياعة، إلا إنها بمجرد ما بتهدا بترجع تاني لطبيعتها واول حاجة هتعملها هي إنها هتكلمك وتحاول ترجعلك تاني.
الثور.. هتبيعك في ثانية
لإنها شخصية قيادية ومسيطرة، دايماً هتلاقي امرأة برج الثور “بتثور” جداً لو حبيبها سابها وبتقوم فوراً بمسح اي ذكرى بينها وبينه، زي صورهم مع بعض أو مسجاتهم، ده غير انها هتمسح رقمه هو شخصياً من على تليفونها من غير ما تتردد لحظة.
الجوزاء .. ولا هتفتكرك أصلاً
امرأة برج الجوزاء عندها كبرياء وعزة نفس كفيلين يخلوها متنحنيش ابداً قدامك مهما كانت الأسباب، وعشان كدة لو سيبتها هتنساك ومش هتفتكرك اصلا، ده غير إنها ممكن كمان تدخل في علاقة جديدة فوراً عشان تثبتلك وتثبت للكل إنك بالنسبالها ولا حاجة.
السرطان .. الانتقام هو أفضل رد
حساسية امرأة برج السرطان الشديدة هتخليها تفكر جدياً في الانتقام منك وتدميرك عشان بس فكرت تسيبها في يوم من الأيام، وده لإن مشاعرها بالنسبالها حاجة كبيرة قوي مينفعش حد يجي جمبها، خلي بالك.
الأسد .. خاف من قلبتها
قوة امرأة برج الأسد الشديدة وثقتها بنفسها بتخليها دايماً متقبلش غير بالأفضل، ده غير إنها مبتقبلش اصلا فكرة إن في حد ممكن يسيبها، هي بس اللي بيتسيب، وعشان كدة لو قررت انك تسيبها لازم تفكر كويس قوي ووتحذر من رد فعلها، لانك ممكن تندم جداً.
العذراء .. هتدمرك!
العذراء، وما آدراك ما العذراء، البنت اللي بتنتمي للبرج ده بتتصف بعزة النفس والذكاء الشديد، فمهما كانت مكسورة ومجروحة هتلاقيها فوراً بتمسح دموعها وتحط ماكياجها وتستجمع كل قوتها بكبرياء مالوش مثيل وبيكون في اللحظة دي هدفها الأول والأساسي هو إزاي تدمرلك حياتك بعد ما سيبتها.
الميزان .. لو بتموت مش هترجعلك
كرامة وعزة نفس امرأة برج الميزان هما أهم حاجتين في حياتها، مبتسمحش ابدا لاي حد إنه يجي عليها أو يقرب من منطقتها المحظورة، وده بيخليها تخفى عنك حزنها وألمها مهما كانت منهارة وبتعاني من الفراق، وعلى الرغم من أنها هتسيبلك دايماً الباب موارب، إلا أنها عمرها ما هترجعلك مهما حصل، لكنها بتعمل كدة عشان تنتصر لكرامتها وكبريائها اللي انت جرحتهم بسيبانك ليها.
العقرب .. قرصتها والقبر
الانتقام هي أهم صفة بتتمتع بيها امرأة برج العقرب، فلو فكرت بس لمجرد التفكير إنك تسيبها، لازم تعرف كويس قوي إنك داخل على أيام سودة، وده لانها من هتسيبك ترتاح أو تعيش سعيد يوم واحد وهتقوم فوراً بمضايقك بكل الطرق الممكنة، وحتى اللي مش ممكنة مهما كانت عنيفة وقاسية.
القوس .. مش هتحلك
المرأة القوس بتتمتع بشخصية شديدة الحساسية، وخصوصاً لو بتحب، ده غير انها من أكبر مؤيدي مقولة “مفيش كرامة في الحب”، وطبيعتها دي هتخليها تفضل كتير قوي تتحايل عليك متسيبهاش وتطلب منك إنك تفضل جمبها حتى لو كنت انت الغلطان، لدرجة ممكن توصلها لإنها هي كمان اللي تعتذرك عشان ترجعلها.
الجدى .. مش هتظهر تاني في حياتك
لإن البنت الجدى رومانسية وحساسة جداً، فا لو فكرت تسيبها هتحس بإهانة شديدة لكرامتها، وده هيخليها تاخد قرار بإنها تختفي تماماً من حياتك وتهرب لاي مكان بعيد محدش يقدر يوصلها فيه عشان تقدر تنساك وتخرجك من حياتها.
الدلو .. ولا يفرق معاها
لأنها واحدة من الشخصيات اللي مبتتعلقش بحد للدرجة اللي تخليها تتأثر بتصرفاته، فمولودة برج الدلو هتتعامل وكإن ولا حصل حاجة وإن الموضوع كمان ولا فارق معاها، ده غير إنك ممكن تلاقيها بتطلب منك إنكوا تفضلوا اصحاب  بدل ما تخسروا بعض تماماً، اما بالنسبة للي في قلبها بقى فا صعب حد يتوقعه.
الحوت .. هتندمك إنك سيبتها
لازم تاخد بالك كويس قوي وانت بتتعامل مع مشاعر مولودة برج الحوت لأنها شخصية حساسة بدرجة كبيرة، عندها قدرة فائقة على إنها تخلي حبيبها يحس بالذنب الشديد إنه سابها، مش كدة وبس، دي قادرة تخليه  يتمنى يرجعلها ويبقى ذي الخاتم في صباعها بذكائها وشخصيتها القوية.