بنقابل في حياتنا شخصيات مستفزة جداً تحس إن ليها مكان مخصوص في الجحيم بسبب بعض التصرفات اللي بيعملوها معانا وفينا .. الشخصيات دي ممكن تكون مقربة لينا .. يعني اخواتنا أو صحابنا أو زمايلنا في الدراسة أو الشغل .. وممكن نكون منعرفهاش بس بنحتك بيها كتير .. وفي كل الأحوال ده ميمنعش إنهم مستفزين وبيعملوا حاجات مستفزة
تعالوا نشوف مين الشخصيات دي وإيه اللي هما بيعملوه عشان يستفزونا أوي كدة.

 اللي ما بيسمعوش الأغنية للآخر

1
من أكتر الحاجات اللي ممكن تستفزك هي أنك تقعد مع شخص مش بيكمل الأغنية للآخر .. يعني لو أنت معاه في عربيته هيشلك ومش هيخليك تسمع أغنية على بعضها .. سواء هو بيحب الأغنية دي أو لاء أو أول مرة يسمعها حتى .. هو آخره يسمع حتة من كل أغنية وبيجمع ألبوم حتت في الآخر

 

 اللي بيشغلو الموبايل بصوت عالي في المواصلات

15310413_10207154770403377_418424187_n
وغالباً بتبقى أغاني هابطة .. النوع ده مش بيبقى مستفز بس .. لاء .. دول مزعجين ومفسدين للذوق العام كمان ولازم يتحاكموا

 المتحرش بأصدقائه

15310669_10207154770443378_243539100_n
الشخص اللي كل هزاره بالإيد .. اللي بيبقى مش قاعد على بعضه .. اللي بيشد حبل السويت شيرت .. اللي وأنت قاعد معاه مبتبقاش عارف الضربة الجاية جاية منين وقاعد مرووش بسببه .. النوع ده مستفز جداً ومرهق أوي في الصحوبية.

 

اللي بيسيبو باب الأوضة مفتوح

3
اللي يخش عليك الأوضة في البيت أو في الشغل ويسيب الباب مفتوح وهو طالع .. حركة مستفزة أوي ويا سلام كمان لو بيدخل من غير ما يخبط .. يبقى أوفردوز رخامة

 اللي بيعملو صوت عالي وهما بيمضغوا الأكل

35
بص يا معلم أنت ممكن تلغوص نفسك وأنت بتاكل عادي .. تاكل وتغمس بايدك في مكان عام مش مشكلة .. إنما تعمل صوت وأنت بتمضغ الأكل ده اللي مينفعش أبداً .. لأن الصوت ده مستفز أوي وملوش أي مبرر .. كذلك وأنت بتشرب الشاي وهو سخن .. سيبه يبرد شوية وبعد كدة اشربه ميجراش حاجة

 اللي بيكلمك عالتليفون في وسط الشات

cshwmwxxiaadq3k
من أكتر الحاجات المستفزة أنك تكون بتشيت مع واحد صاحبك بقالك ساعة مثلاً وفجأة تلاقيه بيكلمك عالتليفون لمجرد إنه تعب من الكتابة أو على سبيل الروشنة .. ما هو مدام مفيش حاجة مهمة تتقال خلاص يبقى مش لازم تكلمني على التليفون ولا على الشات حتي .. حركة مستفزة أوي وغالباً اللي بيعملها معايا مبردش عليه.
دي عينة من الشخصيات المستفزة اللي بتقابلها وممكن تقابلها في حياتك .. قولوا لنا هل الشخصيات دي بتستفزكم فعلاً ولا في شخصيات تانية بتستفزكم أكتر