زي أي بنت مصرية أصيلة، بتقعد في أي مكان، وأول ما تتفتح سيرة الأبراج والحظ بتقول “لالالا، انا مش بصدق التفاهات دي خالص..” ولما بتبقي لوحدها بتفلي المجلات والجرايد عن الأبراج، قررت بما ان موضوع الأبراج ده شاغلني لفترة ولو جزئيا، اني أكتب عنه، بس بطريقتي أنا، مش هقعد أقولك حجرك الكريم المفضل، ولا القمر بيأثر عليك ازاي، ولا الكلام ده، انا هحاول أجيب م الاخر..! حابين أولا كبداية نقسم الأبراج لأربعة كاتيجوري: ناري “اوعي يلسعك” وترابي “غلط ع الجيوب الأنفية.”، وهوائي “وده زعابيبه كتير” ومائي “بلاش تنزل الغويط”. النهاردة هنتكلم عن برج “كل حاجة وعكسها” برج شعاره أغنية الهضبة العظيمة “أنا عايش ومش عايش”، لما تحب تسلم علي حد م البرج ده بتقوله “ازيكو النهاردة” برج: الجوزااااااااااااااااااء. مواليد برج الجوزاء، أو Gemini اتولدو في الفترة من 21 مايو ل 21 يونيو، برج هوائي، عواصف وخماسين وربنا يسترها ع الجميع، يلا نشوف مع بعض صفات البرج؟ يلا !

 

أولا الستات (Still Ladies First)

1- مزاجها عاصف جدا

2

بما ان البرج ده هوائي، والستات كائنات عصبية بطبعها، بسبب الهرمونات والذي منه، الموضوع بيكون أعقد عند امرأة برج الجوزاء، لأنها للأسف عصبية مرتين عن أي ست عادية..! يمكن كمان أعصف من برج الحمل، لطبيعة البرج الهوائية، ف تلاقيها بقت كويسة ومتحمسة لشغلانة، ومرة واحدة ترميها من ايدها، تقعد تتكلم بحماس عن فيلم، ولما يشتغل تسيبه من نصه وهكذا، ف احذر تتناقش مع ست من برج الجوزاء أحسن تعضك، أديني قلتلك أهو.!

 

2- مدام نشيطة

1

من أهم ميزات البرج ده للستات انهم ستات نشيطات جدا، نحلة ف كل مكان، تلاقيها ف شغلها بتعمل خمستلاف تاسك مع بعض، ف بيتها بتعمل أكل وبتذاكر وبتضرب وبتتكلم ف الموبايل، ملهاش حل، بتفضل شغالة أوقات طويلة ف أي حاجة مهمة ولما بتفصل بتحتاج ترتاح، ف بتحتاج وقت طويييييييييييييل للراحة، عشان تعوض بقي..!

 

3- سطحية

3

بما ان البرج هوائي وكدة، ف كلمة “سطحية” مش بالشتيمة أو الاهانة، الست الجوزائية بتبص ع الحاجة نظرة سريعة، ولو لقتها مش بتجذب انتباهها مش بتركز معها، مبتهتمش بأحوال البلد، وأغلب تركيزها يا بيكون مع حبيبها يا مع عيلتها، أكتر من كدة متلاقيش، ف تحس انها “مسقطة” أو “تافهة” بس ف الحقيقة هي بتوفر تركيزها لحاجات أهم.

 

4- جذابة

5

عارف الستات اللي بتشد عينك من أول ما تيجي لحد ما تمشي؟ مش بجمالها بس؟ الست الجوزائية كدة، عندها وحضور وكاريزما تخليها جذابة لأي حد، راجل او ست، عندها حضور يفرض نفسه علي أي حاجة، لذلك دايما أجمل الجميلات بتلاقيهم جوزائيات !

 

5- كريمة

4

لو فيه حد كريم وبيعامل ضيوفه بشكل فوق الممتاز، ف هتكون دي الست الجوازئية، مضيفة رائعة وضيافتها فظيعة، لازم تكرم الضيوف، كمان هي متحدثة لبقة جدا، حتي لو بتتكلم ف أي حاجة، بتشد انتباهك وتعرف تخليك مصغي وسامع ومستمتع وبيصقف كمان..!

 

ثانيا الرجالة (يلا مش مهم)

1- قلق…قلق…قلق

6

رايح جاي..رايح جاي….راجل قلق ف البيت، مبيهداش، مبيهمدش، لو مصاحب كل خمس دقايق بيكلم صاحبته، لو متجوز كل يوم بيتصل يشيك ع العيال، والأكل والشرب، كل عشر دقايق بيبص من شباك الشغل بيتطمن ع العربية، دايما دايما قلقان ومتكدر، ربنا يكون ف عون اللي حواليه..!

 

2- بيكره الوحدة

9b128f0288dd236661383daafdf90df6_123506105_147

الرجل الجوزائي دايما عنده وازع انه “مستني نصه التاني” ف تلاقيه دايما بيدور ع الحب، بيدور ع الارتباط والصداقة، بيكره يفضل لوحده، لو ف ويك اند هتلاقيه علي طول ف “كايرو فيستيفال” لو ف الشغل هيقوم يشقر علي زمايله، دايما قاعد مع حد، دايما مشغول مع حد..!

 

3- مفكر عظيم..متحدث أعظم

7

علي الرغم من ان الرجل الجوزائي قلوق ويقرف، لكن هو مفكر عظيم، بيشوف الصورة كاملة ويعرف كل أبعادها، بيدرس كل تفاصيل الموقف، ومش بعيد تلاقيه محضر دراسات كاملة ف أي خطوة هياخدها ف حياته بعد كدة، كذلك عنده القدرة يتكلم كدة ويشد انتباهك، دي صفة مشتركة بين الرجل والمرأة ف برج الجوزاء، لكن الرجل بيفكر بشكل أعمق وأكبر وفي منتهي العبقرية..!

 

4- ذكي..لماح

8

“ايه ده انتي غيرتي تسريحة شعرك؟” – “انتي جبتي بوت جديد؟” كلام مش هتسمعيه غير من راجل من برج الجوزاء، احساسه بالمحيطين حواليه كبير أوي، بيقدرهم وبيحس بتغييرهم، هو الوحيد تقريبا اللي يقدر يقراك من ملامحك او نبرة صوتك ف التليفون، لو حد ف صحابك جوزائي حاول تقرب منه، هيفرق معاك كتير..!

 

5- امرأة واحدة لا تكفي..!

hqdefaultبما انه بشخصيتين، ف لو الست بتاعته محلقتش عليه وعملتله اللالي هيبص برة، مش لازم بمشاعر أو بخيانة، بس لأنه ليه أكتر من بروفايل وشخصية، بيحتاج كل الشخصيات دي تكون راضية ومستقرة عاطفيا، ف دي حاجة هتتعب أنثاه بيدور علي شريكة عمل وحياة أكتر من شريكة عاطفية، بيحب يعمل كل حاجة مع شريكته/حبيبته/مراته، هي بالنسبة ليه جدا، لأنها هتكون مجبورة توافق جنانه وعاداته. عنصر وجزء لا يتجزأ من حياته، فبيتهم بيها بشكل كبير، وبينتظر منها نفس الاهتمام..

 

بالاختصار، برج الجوزاء حلو، بيفرك كتير، بس حساس وقلبه طيب، خلو بالكو منه