رمضان اللي فات، سواء اتفرجت على مسلسل ملوك الجدعنة أو لأ، خلينا نتفق انه عرض مشهد مهم جدًا وبيناقش قضية كبيرة وقدمه بشكل كويس نسبيًا. في ناس خدت بالها وناس تانية لأ، بس في الحلقة ال١٨، شوفنا بشكل سريع جدًا مشهد أو إشارة للإغتصاب الزوجي. 

في مسلسل لعبة نيوتن كمان، شوفنا مشهد واضح ومؤثر اكتر لنفس الفعل. صعوبة المشهد ووضوحه اكتر من الاولاني خلت ناس كتير تناقش الموضوع على السوشيال ميديا..

يعني ايه اغتصاب زوجي؟  ده  تعريف بسيط من جوجل..

“الاغتصاب الزوجي هو الجماع الجنسي الذي يتم بدون موافقة أحد الزوجين وإن نقص الموافقة كافي ليتم اعتباره اغتصاب حتى لو لم يتم استخدام العنف. يُعتبر الاغتصاب الزوجي شكلاً من أشكال العنف المنزلي والاعتداء الجنسي”

بنشوف الزوج وهو بيحاول يفرض سيطرته على مراته اللي بتحاول تهرب منه لأنه مؤذي، بإنه يكسرها جنسيًا ومعنويًا ويمارس معاها علاقة من غير موافقتها. وبعدها بنرجع لمشهد الزوجة على السرير وهي بتعيط وبس. 

طبعًا ناس كتير فاكرة ان عقد الجواز معناه إن من حق الراجل/المرأة  الحصول على مميزات العلاقة الجنسية من الطرف التاني في أي وقت وبدون موافقته. الكلام ده غلط وتم تجريمه بالفعل في بلاد كتير. 

ستات كتير بردوا لسه فاكرة ان من حق جوزها يجبرها على علاقة جنسية لأنه جوزها ولأن العادات والتقاليد والأعراف بتقول كدة. بس على الناحية التانية بردوا، ستات اكتر واكتر بدأوا يفهموا ده ويتكلموا عنه اكتر وده كويس جدًا كبداية.

”هل تلعنني الملائكة؟”… إلى متى يستمر الاغتصاب الزوجي؟ – رصيف 22

خلها (دعها) تلعنّي. أصلاً أنا ملعونة اللي (أنّي) وافقت عليك! هذا حوار دار بين رجل وزوجته في لوحة تعبيرية تمّ تداولها بين ناشطات سعوديات على تويتر منذ 23 آب/أغسطس تحت هاشتاغ #سعوديات_نطالب_بتجريم_الاغتصاب_الزوجي ، وهو مطلب يأتي بعد منح المرأة السعودية بعض الحقوق لا سيما في ما يتعلق بالسفر من دون “محرم” واعتبارها “رباً” لأسرتها.

في ٢٠١٩ مثًلا، بدأ هاشتاج #سعوديات_نطالب_بتجريم_الاغتصاب_الزوجي في السعودية. وقتها، ستات كتير نشروا حكاياتهم مع النوع ده من العنف وطالبوا بتجريمه قانونيًا. هنا ممكن تقروا شويه شهادات من الستات دول

بسبب مشهد الإغتصاب الزوجي في لعبة نيوتن برضو شوفنا ناس بتحاول تبرر للراجل بأنه “حقه” و “هو صبر عليها كتير” وده اللي خلى ناس تانية توضح ان الإغتصاب يعني إغتصاب حتى لو تحت مظلة الزواج.

وان الست هي صاحبة الرأي الأول والأخير في جسمها، ومين الاي تشاركه معاه.

للأسف مفيش نص واضح وصريح بيجرم الموضوع ده في مصر. بس هل ممكن نشوف قانون زي ده قريب؟ واثقين ان لو ناس اكتر اتكلمت عن الموضوع ممكن ده يساعد الجهات المعنية في النظر للموضوع.