لو حظك التعيس اضطرك انك تشتغلي في وظيفة ما؛ كل الزملاء اللي معاكي فيها وبتضطري ان يكون شغلك بشكل مباشر معاهم..رجالة.. فأنتي في مأزق حقيقي.. وهتتحطي في مواقف كتير رخمة مش هيكون ليكي اي ذنب فيها الا انك بنت في وسطيهم، ده لو قدرتي اساسا تستحملي للاخر. والحاجات اللي بتحصل دي تقريبا كل بنت اتحطت في الظرف ده مرت بموقف او اتنين منهم
  • مين البت دي

21

تخيلي نفسك قاعدة معاهم في ميتنج وهما عمالين يتكلموا ومندمجين  مع بعض كأنك مش موجودة اساسا ودورك كواحدة من الميتنج ده انك تقولي رايك، فتقرري تفتحتي بقك وتتكلمي، فتلاقيهم كلهم بصولك بإستغراب كأن في صوت مجهول المصدر قطع حديثهم، ويفضلوا باصيين لك بوجوم وببوكر فيس لحد ما تخلصي كلامك بعدين يرجعوا يكملوا كلامهم مع بعض كأن شيئاً لم يكن، كأنك هوا أو شفافة

 

  • ممكن تبص لي هنا

comi_12_20130826_1366853280

وده نوع تاني من التجاهل، بس مش تجاهل كلي ليكي هو تجاهل لكلام بس، وتقدير واهتمام بمناطق ما في جسمك، تبقى بتتكلمي مع حد منهم في موضوع جد جدا و ممكن تكوني بتقدمي  حل لمشكلة ما مزاولاهم بس هو مش سمعك اصلا، هو في عالم اخر خيالي اتسحب فيه وتضطرى بقى كل شوية تلفتي انتباهه انه يركز معاكي
  • بس ده يبقى تحرش

1374210042583

التجاهل على الرغم من قسوته فهو افضل بكتير من الشخص اللي قرر انه يهتم بيكي، وركزي في كلمة يهتم “بيكي” مش بشغلك، هو مش مهم عنده بتعملي ايه، هتقدمي له زفت هيقولك حلو هتقدمي له حاجات عبقرية هيقولك حلو بردو هو عايز يريضيكي وخلاص، وده نوع تاني مؤذي، لأن بعيد انه غالبا هيكون متحرش جدا، فهو مش هيفيدك ولا هيخليكي تتقدمي خطوة في شغلك
  • النفسنة

10143_150167845172818_533589198_n

وده العيب الأخطر، عشان لو حصل وبدأتي تعملي حاجة كويسة او حسوا  ان ممكن يطلع منك اي حاجة مميزة، بدون وعي منهم او قصد هيحسوا ان تهديد وإهانة ليهم، الموضوع هيتشخصن وهيتحول ان في ست تفوقت عليا او في ست ممكن – لا قدر الله – تكون بتفهم احسن مني في الشغل اللي خبير فيه بقالي فترة طويلة، الموضوع هيبتدي بأنهم يحوطوا عليكي بالحب، فشلت الطرق اللطيفة اللي تدفعك من نفسك للإستستلام، هيكون مفيش قدامهم مفر انهم يفرقعوا فيكي اسفين وده بتكون المرحلة المتطورة جدا واللي الحمد لله مش بيوصلها كل الرجالة
في النهاية قدامك حاجة من الاتنين تعمليها، ياما تفكك من الشغل ده و تدوري على غيره، ياما لازم تبقى عارفة انك هتكوني في تحدي طول الوقت وتكوني قد التحدي وماتنخيش ولا تيجي تتعبي في النص، لو ناوية تعبي انسحبي من دلوقتي اكرم لك.