ديزني
واحنا صغيرين اتربينا على قصص زي سندريلا، الجميلة والوحش، سنووايت والأقزام السبعة وغيرهم من القصص اللي كانت بتنتهي ان البنت بتتجوز فتى الأحلام الأمير الوسيم اللي مينفعش يتقاله لأ، بس بعد كده جت ديزني وغيرت في كلامها في فيلم Frozen وسلطت الضوء على علاقة الاخوات وحب الأختين لبعض هو اللي انقذهم .
بعد كده ديزني صدمتنا صدمة عمرنا في فيلم Maleficent لما اللي صحى الأميرة كانت ال Fairly god mother وان حبها للبنت كان اقوى من حب الأمير ليها، ومش هننسى الصراع بين ميريدا ومامتها عن الجواز في فيلم Brave . تفتكروا ديزني عملت الافلام دي هباء؟ تفتكروا هي مش عايزة توصلنا رسالة معينة، الأسباب اللي هقولها دي في اعتقادي اللي خلت ديزني تغير اتجاهاتها

• كتر حالات الطلاق / الانفصال

happy-divorce-cake-281x300

نسبة مش قليلة من حالات الجواز بقت بتنتهي دلوقتي بالطلاق و ده مش في مصر بس ده في العالم كله و في الغالب الطليق بيشيل ايده بعد كده من اي حاجة كانت ربطاه بطليقته بما في ذلك الأولاد و المصاريف ، فبالتالي بقى لازم نجهز جيل من البنات قادر يواجه صعوبات الحياه و يشيل المسئولية لوحده .

 

• الاستقلالية

pszupsr qsbx psupb

معظم الأمهات دلوقتي بقت بتشتغل السبب اللي خلى الأطفال تروح حضانه بدري و بعد ما تكبر و تروح المدرسه بترجع قبل مامتها فبتقعد فترة طويله لوحدها فبتعتمد على نفسها و بتكون شخصية مستقلة و بيبقى صعب جدا بالنسبالها تعتمد على حد غير بعد ماتحاول مرة و اتنين و تلاته .

 

• الرجالة بقت تسد النفس

mqdefault-2

المُحبط، التافه، اللي شايف نفسه، سي السيد نماذج موجوده بكتره في مجتمعنا قادرة انها تحول حياة البنت لجحيم لا يطاق و تطفيها فللأسف لو البنت قابلت نموذج من دول في طريقها سواء كان قريب او صديق بتتسد نفسها عن الرجالة كلهم و ممكن تفضي طاقة الحب اللي موجوده فيها بأنها تتبنى كلب او قطة .

 

• البنت بقت مسئولة اكتر من الراجل

psqus tbowsr prsz

الست دلوقتي بقت بتعرف تعمل كل حاجه تقريبا وحرفيا هي اللي بقت مسئولة عن البيت والحياة الزوجية والراجل مجرد ممول البيت فده مش معناه ان الراجل شخصية مسئولة، الست دلوقتي بتغيّر الأنبوبة، بتودي العيال التمرين، بتروح للميكانيكي يبُصلها على العربية وبتجرجر اللي يعاكسها او يتحرش بيها على القسم .

 

• الولد بقي بيعيش في جلباب ابوه عادي

mqdefault

شريحة كبيرة من الرجالة دلوقتي بيستنى بابا يجبله الشقة والعربية ومفيش مشكلة لو المهر والشبكه كمان وطبعا البيه مش هيشتغل اي شغلانه لازم يستنى الشغلانه اللي على كيفه عشان يشتغل وطبعا مفيش اي طموح انه يكبر فيها لو جت هيفضل يشتغل في الشركة دي لغاية ما يترفد او يطلع معاش، البنت بقى بنلاقيها بتشتغل من وهي عندها 20 سنه ويمكن اقل كمان وممكن تقبل في الأول بدخل قليل وواحده واحده بتعرف توصل وبتعرف تتعلم كمان حاجات جديده .

• انت في غابة

tarzan حتى ال Prince Charming مبقاش Prince Charming ضغوطات الحياة في ازدياد مستمر ولازم نلحق ال DeadLine ونبعت الايميلات في ميعادها عشان نقبض ونعرف نسدد فواتيرنا وجمعياتنا فالراجل مبقاش هو مصباح علاء الدين اللي هيحققلك كل امنياتك بالعكس انتي لازم تساعديه وتقفي معاه عشان تقدروا تعيشوا حياة كويسة .
المقال ده مش دعوة للبنت انها متتجوزش او تكتفي بنفسها وخلاص، جوه كل بنت غريزة زوجة وام ولازم تطلع صح للانسان الصح، المقال ده دعوة للبنت انها تتعلم اكتر وتقرا وتحلم اكتر .
انتي نص المجتمع فعلا نص بياخد وبيدي مش نص مستني نص يعتمد عليه وخلاص صدقيني الرجالة نفسهم مبقوش حابين فكرة الست اللي معتمده عليهم في كل حاجة هو كمان ممكن يجيله وقت ويبقى عايز يأنتخ من المسئولية فتخيلي لو كنتي انتي شخصية غير مسئولة في الوقت ده .
وعشان كده ديزنى قررت تنمى المبدأ ده وتكبره فى عقول بناتنا وبنا ء عليه غيّرت الرسالة الموجهة فى كتير من أفلامها والنهايات اختلفت كتير عن زمان ..